fbpx
مونتيسوري مصر- تقدمها مروة رخا

قعدة عربي مع مروة رخا – مكنتش مجرد ندوة دي كانت ملتقى شبابي غير عادي

 

الخميس 12/11/2009 الساعة 7 في مكتبة البلد كانت اول ندوة تعملها مجلة بحلقة الإلكترونية ، و فكرنا ممكن يكون مين اول ضيف لندواتنا و ما احترناش كتير في الإختيار كان إختيارنا ان الإفتتاح يكون لأكتر كاتبه اثارت مواضيعها جدل على صفحات المجلة و صاحبة أكبر عدد من التعليقات نجمة المجلة مروة رخا .
 
اما شكل الندوة فكان مختلف كنا قاعدين قعدة عربي بجد يعنى من الاخر مفيش كراسى ولا ميكريفونات كنا قاعدين على الارض و نوع القعده اثر على طبيعة الحوار كان الحوار زى ما مروة بتكتب ببساطه و وضوح كانت كمان بتتكلم بنفس الطريقة عن النجاح و رسم الهدف في الحياة و تحقيق الأحلام و اختلفت مع الحاضرين عن فكرة الحلم المشروع و الحلم الغير مشروع و ضربت امثلة للحلم غير المشروع ان لو حد حلم في مصر مثلا ان يكون رئيس جمهورية !!!!!
 
كمان اتكلمت مروة عن مقالها صاحب أعلي تعليقات علي المجلة هل تروجين للجنس … بدون زواج؟ و المقال
كان مثار جدل في الندوة قعدنا نتناقش حولين الموضوع لدرجة ان احنا قعدنا عدينا وقت القعدة بساعة ونص لأن الموضوع فعلا بيلمس جزء من حياتنا و هي العلاقة بين الولاد و البنات ، و المهم الندوة كانت أكتر من رائعة احنا كنا قاعدين في قاعة بمكتبة البلد فوق بعض تقريبا بس إحنا كنا فرحانين جدا بوجود العدد ده من قراء المجلة و محبين مروة رخا و نتمى ان القعدة الجايه الناس تستفاد وتخرج مبسوطة زي الندوة دي
 
وبنعتذر لكل حد جه ولقى المكان زحمة فمشي بس بجد نوعدكوا المرات الجاية هيكون المكان أكبر وأدينا بنتعلم من أخطاءنا 
القعدة اللي مكنش حد متخيلها .. صح

 
 
 
 
 
 
 
 
 
 
 
 
 
 
 نتمنى يكون كل اللي حضروا استمتعوا بالقعدة دي
ونلقاكم الشهر الجاي مع ضيف جديد لقعدة عربي
 

من هي مروة رخا؟
مروة رخا: موجهة مونتيسوري معتمدة دولياً من الميلاد حتى 12 عام. Marwa Rakha: Internationally certified Montessori educator from birth to 12 years.

بدأت “مروة رخا” رحلتها مع “نهج وفلسفة المونتيسوري” في نهاية عام 2011 بقراءة كتب “د. ماريا مونتيسوري” عن الطفل والبيئة الغنية التي يحتاجها لينمو ويزدهر. تلت القراءة الحرة دراسة متعمقة للفلسفة والمنهج مع مركز أمريكا الشمالية للمونتيسوري

“North American Montessori Center”