fbpx
مونتيسوري مصر- تقدمها مروة رخا

بس يا سيدى و قلت لها يا شيخة بلا قرف

 
 
 
ازيك يامروة عاملة ايه؟
انا عارفة انك بيجيلك مشاكل اد كدة ….مشكلتي مش مشكلة علي اد ماهي حالة 
انا عندي 22 سنة ….لسة مخلصة كلية انهاردة 
وزمان ارتبطت من النت ارتباط فاشل واثر فيا اوي
وقعدت حوالي سنتين من غير اي ارتباط وعلطول بدعي ربنا ان ماحدش يدخلي حياتي تاني غير زوجي
ومن شهرين بس ظهر في حياتي شاب قريبنا من بعيد وادي في السن
 
هو متدين جدااااااااااااااااااااااا وانا بنت عادية محجبة وبصلي ولبسي عادي بس طبعا مش نقاب ولا خمار وهو ماكنش عاجبه ومن كتر مناا متعلقة بيه كنت بتنازل عن حاجات كتير
مانكرش انه اول مافتحني في موضوع الاربتاط انا وافقت علطول وبدون تفكير …يمكن كنت سهلة زي مااختي بتقولي

 

 
طلب مني مانتكلمش علشان حرام لحد مايبقي فيه حاجة رسمي ….فضل مايكلمنش وفي يوم يكلمني ويقعد يرغي بالساعات ولما احب اكلمه يقولي احنا اتفقنا اننا مانتكلمش علشان ربنا …لحد لما مسكته في يوم بهدلته …ازاي وقت مايحب يكلمني اوكي ووقت لما اكلمه يقولي حرام …ولازم يمشي عدل وبلاش طريقة انه يمشي علي سطر ويسيب سطر

 

وبعديها فضلنا شهر بالظبط مانتكلمش علشان حرام عقبال مايكلم اهله ويبقي في حاجة رسمي

وقبل اخر امتحان ليا اللي هو اول امبارح بالظبط كلمته من ميل بنت تانية وكلمني عادي وقالي انه كان مرتبط وفركش وبيدور علي عروسة

 

 
بعديها بساعة اخته الكبيرة والوحيدة كلمتني
وقالتلي انه كلم البيت في موضوع الخطوبة بس ماحددش مين عايز يخطبها ورفضوا بشدة لحد مايشتغل ويكون نفسه بالرغم انه كانوا واعدينه بانه هيخطب اول مايخلص وبجد هو حاول و هو مش عيل ولا لعب بيكي بس مش عايزك تتربطي جنبه وممكن يجيلك عريس احسن 
وانا طول المكالمة مش مصدقة ان ده بيحصلي الموضوع كله مااخدش اكتر من شهرين ونص من بدايته

 

 

قفلت معاها وانا هموت 
طب ليه ماكلمنيش ؟؟؟ليه اخد القرار بدون ماياخد رئيي ؟والله كنت هستناه

 

 

ليه لما حب يخلص موضوع خلي اخته تخلصهوله 
معقول يكون بيلعب بيا ؟؟؟؟بس للاسف ماراعاش صلة الرحم اللي بينا ولا احترم ثقتي فيه وحبي ليه 
قرر وعاش حياته بدون مايديني حتي اي اهتمام …كأنه الطرف الوحيد في العلاقة 
بعتله مسج وقولتله اني مش مصدقة اي حاجة وانه عامل زي البنت اللي حبت تخلع من موضوع قالت ان جالهاعريس 
وحسبي الله ونعم الوكيل 
طبعا ولاااااااا رد حتي عليا 
وياعيني كاتب علي الفيس انه مابيحبش الظلم وهو ماظلمش حد ولا بيحب حد يظلمه وربنا عالم بكل شئ

 

 

 
انا حاسة اني مجروحة اوي ……هوا انا كنت سهلة فعلا اوي؟ولا علشان ماصدقت ان البني ادم اللي كان فارس احلامي وانا طفلة جالي ؟
هو لازم نمثل علشان نبهر الولاد ؟ولا لازم نبين ان فينا صفات مش بتاعتنا علشان يجروا ورانا ويحترمونا ؟
كرامتي وجعاني اوي وحاسة بشرخ جوايا 
عيلته انا بحبها اوي وبحترمها اوي 
انا ماعتقدش هقدر احب تاني 
انا من جوة مشوهة اوي وحاسة اني مش قادرة نساه

 

 

انصحيني يامروة اعمل ايه؟ورئيك ايه في الحكاية المتخلفة دي؟
بليز حاولي تفهميني غلطي فين وهو فعلا حبني ولا لا؟وهو انسان كويس ولا لا
وتفتكري هقدر اكمل مع حد تاني ولا لا؟
بليز انا مخنوقة مووووت

 

 
————————————- 
سلامة قلبك يا حبيبتى
 
 
انتى ربنا رحمك
 
الكتاب باين من عنوانه
 
دا من نوع الرجالة اللى بيلعب لعبة الحرام و الحلال على مزاجه عشان يخدم اغراضه
 
هيحرم عليكى كل حاجة و يحللها لنفسه زى بالظبط ما عمل فى موضوع التليفون
 
حرام تكلمى زمايلك و هو عايش حياته
حرام تضحكى و لا تهزرى مع حد و هو عايش حياته
حرام الخروج و الدخول و هو عايش حياته
 
و فوق دا و دا .. جبان
 
ماعندوش قدرة على المواجهة و الحسم .. بيهرب زى العيال
 
و كمان بتاع نت و بنات من على النت … و يرجع يقول حرام و حلال
 
انتى بجد ربنا بيحبك
 
اما بقى موضوع مشوهة و الكلام الكبير دا
 
انا عايزاكى تغيرى تفكيرك
 
دى ما اسمهاش تشوهات
دا التمن اللى الانسان بيدفعه عشان يكبر و ينضج
 
غلطتك فين؟
 
انك استحملتى شهرين بالمنظر دا
انك علقتى نفسك بواحد قبل ما ياخد الخطوة اللى هو وعد بيها
 
هو كان بيتسلى و للاسف ما استحرمش يتسلى بواحدة قريبته
 
اصل اللعب ببنات الناس مش حرام
و استغلال ثقة بنات العيلة مش حرام
 
يا شيخة بلا قرف
من هي مروة رخا؟
مروة رخا: موجهة مونتيسوري معتمدة دولياً من الميلاد حتى 12 عام. Marwa Rakha: Internationally certified Montessori educator from birth to 12 years.

بدأت “مروة رخا” رحلتها مع “نهج وفلسفة المونتيسوري” في نهاية عام 2011 بقراءة كتب “د. ماريا مونتيسوري” عن الطفل والبيئة الغنية التي يحتاجها لينمو ويزدهر. تلت القراءة الحرة دراسة متعمقة للفلسفة والمنهج مع مركز أمريكا الشمالية للمونتيسوري

“North American Montessori Center”