fbpx
مونتيسوري مصر- تقدمها مروة رخا

عن الكليات و أزمة مكتب التنسيق

 

انا عندي مشكلة هي

انا كنت متفوق والحمد لله وبطلع الاول على المدرسة

 

 
بس حصلت ظروف معينة من مرض وغيره المهم اني مستواي تراجع كثيرا

 

انا دلوقتي امتحنت امتحانات الثانوية العامة بعد معاناة شديدة جدا من المرض وغيرة علما بان المرض نفسي كان

المهم انا دلوقتي تقريبا اعرف تنيجتي اللى هتطلع كمان 20 يوم تقريبا

( انا دلوقتي مش هدخل الكلية اللى بتمناها ( الطب

على فكرة حضرتك انا مش كنت عايز ادخل الكلية دي منظرة لا ابدا خالص

انا فعلا كان نفسي اني ابقى دكتور صاحب عيادة

انا عايز من حضرتك اجابة على سؤالي هل معقول اني ادخل كلية اان مش عايزها ومش بحبها

وهل هنجح فيها لو دخلتها

ولا اهي ايام وسنين وبنقضيها وخلاص

انا حتى مكنتش عايز صيدلة لاني مش عايز لقب وخلاص لا الموضوع كان اكبر من كده

 

——————————–

 انت فكرتنى بنفسى

 

 
من و انا فى تانية اعدادى و انا عايزة ادخل كلية طب
و رتبت حياتى و طموحاتى و احلامى على الكلية دى
 
و خلصت ثانوية عامة
 
و لا جت طب و لا اسنان و لا صيدلة
 
فى الكليات العملية جت هندسة … و انا ماليش فيها
و فى كليات القمة الأدبى كلهم جم و اخترت ألسن و انا متضايقة
 
و كنت غيرانة من كل اصحابى اللى دخلوا كليات بيحبوها
 
لكن مع الوقت ابتديت اغير نظرتى للكلية
و راجعت نفسى
 
انا كنت عايزة ادخل طب عشان اساعد الناس
 
و قررت اتفوق فى كلية الالسن عشان اساعد الناس بكتابتى
و حصل
 
و بعدها درست تانى فى الجامعة الامريكية و تفوقت
 
و اكتشفت ان اللى عايز يساعد و يخدم هيعمل دا من اى مكان هو فيه
 
انا حكت لك الحكاية دى عشان تعرف ان انت مش لوحدك و ان الخيرة فيما اختاره الله
 
و ان اهم حاجة انك تركز فى الهدف مش فى الوسيلة لتحقيقه
 
لو انت فعلا عايز تساعد الناس هتساعدهم من اى مكان انت فيه
و هتتفوق عشان انت مش هتقدر تكون اى حاجة غير شاب متفوق
من هي مروة رخا؟
مروة رخا: موجهة مونتيسوري معتمدة دولياً من الميلاد حتى 12 عام. Marwa Rakha: Internationally certified Montessori educator from birth to 12 years.

بدأت “مروة رخا” رحلتها مع “نهج وفلسفة المونتيسوري” في نهاية عام 2011 بقراءة كتب “د. ماريا مونتيسوري” عن الطفل والبيئة الغنية التي يحتاجها لينمو ويزدهر. تلت القراءة الحرة دراسة متعمقة للفلسفة والمنهج مع مركز أمريكا الشمالية للمونتيسوري

“North American Montessori Center”