ادمان الجنس على النت

Date posted: June 17, 2010


 

 

بناء على طلب صاحب المشكلة تم حذف أغلبها للحفاظ على خصوصيته

———————-

أنا شاب عمري 25 سنه

ما أعاني منه من فراغ عاطفي جعلني أنساق وراء البنت أو الرجل مش عارف اللي بعتتلي رساله بتقول فيها انها سمعت عني من بنت تانيه  وانها معجبه بيا  وانها عايزه تبقي صديقة ليه

 كل الكلام ده بالرسايل ولما كنت بحاول أتصل بيها كانت بتكانسل ، فلم أسمع لها صوت ولم أرها إلي وقتنا هذا

، المهم انا عاجبتني حكاية الرسايل دي ، كبداية يعني ، واعجبت بكلام البنت في الرسايل (كلام يدوخ بجد) وبحكم ما أنا فيه من فراغ عاطفي واشتياق للحب رضيت بقليلي ، وحبيت بالرسايل بس ، ثم بدأت تكلمني عن الجنس وتجعلني امارس العاده السرية ، وتتصل بيه اثناء الممارسة لكي تسمع صوتي !!

قولت ماشي فيها ايه منا بمارس العاده كده كده ، فيها ايه لما تسمع تأوهاتي اثنائها عشان اهيجها يعني ، وطبعا انا قولتلها اعملي زي منا بعملك رفضت تسمعني صوتها واكتفت بشرح كيفية ممارستها العاده عبر الرسايل ، ودي كانت حاجه بتهيجني برده ، قولت ارضي بيها لحد ما أقابلها ، المهم البنت دي غريبه مره تكلمني في الجنس كويس اوي ، ومره تكلمني ازاي انها بتحبني بكلمات غايه في الرقة لدرجة اني عيشت شهرين معاها عبر الرسايل بس كاني عايش معاها بالضبط ، عارف هي بتعمل ايه ولابسه ايه وهي كذلك ، الفرق انها كانت بتتصل بيه تسمع صوتي كتير ونا مش سامع حاجه خالص ، وأقعد أقلها اتكلمي ترفض !!

بعتتلي صورتها وطلعت رائعة الجمال ، دي لو كانت صورتها فعلا يعني ، وأنا بعتلها صورتي ، لكن طلبت صور ليه وأنا عريان ، بعتلها وصور للعضو بتاعي ، وكانت بتطلب الصور دي بشراهه لدرجة اني كنت بدخل حمام الشغل اصور عضوي وابعتلها الصوره وارجع اكمل شغل !!

قولت مش مشكله انا رجل هتعمل ايه بالصور يعني ، انا مش بنت يتخاف عليها ، وفضلنا علي كده هي بصراحه اشبعتني مشاعر واحاسيس بالرسايل وكمان جنس ، لو كان الكلام ده في الحقيقة كنت ابقي سلطان زماني ، المهم انا مستخملتش الا الشهرين دول وبقيت اطالبها اني اشوفها ، فكانت بترفض رفضاً باتا ، فاان زهقت ويأست من اني اشوفها او حتي اسمع صوتها للقضاء علي شكوكي من انها تكون رجل شاذ ولا حاجه ، او بنت وحشه غير اللي في الصوره اللي بعتتهالي ، لكن التفاصيل المفصله اللي حكيتهالي عن حياتها وشغلها كان بيقنعوني انهم ما يطلعوش الا من شخصية فعلا حقيقية

اختفت من سنة و انا من ساعتها لا اقادر احب غيرها و لا قادر انساها و بدور عليها فى كل الاماكن اللى ممكن تتوجد فيها

————————————————

دى حكاية عجيبة
 
مش عجيب اللى حصل فيها
 
فى ناس كتير بتحب على النت من غير ما يتقابلوا
و فى ناس كتير بتبعت صور مش بتاعتها
و فى ناس بتمارس الجنس برده  على النت
و موضوع الصور دا كمان بيحصل
 
لكن الغريبة فى الموضوع ان اللى انت بتتكلم عليها دى عارفة كل حاجة عنك
عارفة قصصك
و عارفة فراغك العاطفى
و عارفة مداخل شخصيتك – عشان كدة قدرت تجذبك بالصورة دى
و عارفة انت بتحب ايه و خيالاتك الجنسية ايه
 
دا لازم يكون حد عارفك اوى
 
انا مستبعدة انها تكون بنت وحشة .. و الا كانت جارتك فى التليفون
 
سبب رفض انها تكلمك فى التليفون دا لانها راجل او لانها واحدة انت عارفها
 
موضوع بقى انت راجل و هتعمل ايه بالصور .. دا كلام مش مظبوط
 
تخيل لو الصور دى اتبعتت عندك فى الشغل
و لا اتبعتت لاهلك
و لا لاهل واحدة انت ناوى تخطبها
و لا اتحطت سكرين شوتس على النت
 و لا حد ابتزك بيها ماديا
 
محاولات انك تدور عليه او عليها دى كلها تضيع وقت و طاقة مهدرة
حلك الوحيد هو انك تخرج من ورا الشاشة و تنزل أرض الواقع و تتعامل مع بشر بجد و تقابل ناس لحم و دم
 
انت زى اللى بيدور على مصباح علاء الدين فى مغارة على بابا
 
فوق لنفسك قبل ما تقع ضحية لحد تانى
استبدل النت برياضة و لا هواية جديدة
امسح كل الصور و الرسايل اللى كانت ببنكم
 
كلم نفسك كدة و عقل نفسك
 

مش هيخرجك من الادمان دا غير ادمان تانى … بس المرة دى حاول تدمن حاجة ايجابية

Bookmark and Share