مروة …. انتى خسيتى ازاى؟

Date posted: May 29, 2010


 
 
 
إزيك يا مروة .. أخبارك ايه .. يارب تكوني بخير .. أنا الحقيقة كنت عايز أسالك لاني كنت سمعتك في حلقة من برنامج بحب فيك ايه بتتكلمي علي طريقة التخسيس اللي مشيتي عليها وانتي قولتي ساعتها انك خسيتي بالتفكير .. فممكن بعد إذنك لو تشرحيلي الموضوع بتفصيل اكتر او لو عندك اسم كتاب أو أي مرجع للموضوع ده انا ممكن ارجع له ..

وكنت عايز أسالك هو انا لازم اوصل للوزن المثالي .. يعني انا طولي 180 .. لازم اوصل ابقي 80 كيلو ولا ايه

انا عارف ان الموضوع مالوش علاقة بالمشاكل اللي بتتبعت لك بس الحقيقة لما سمعت الحلقة قررت أسالك

في انتظار ردك

متشكر جدا يا مروة

————————————–

 

أهلا يا مشمش
 
بص
هى مش طريقة تخسيس
هى طريقة حياة
 
عارف 
تفائلوا بالخير تجدوه
 
اهو دا اللى انا عملته
 
فى كل حاجة فى حياتى
 
انا خسيت لانى حطيت كل حواسى و كل طاقتى العقليه فى الموضوع دا
 
انا وصلت لمرحلة انى بقيت شايفة نفسى رفيعة و عايشة حياتى كأنى رفيعة و باشترى هدوم على المقاس اللى انا عايزاه
 
لما دا حصل مودى بقى حلو
و الاكتئاب راح
و الإحباط راح
 
و ال
metabolism rate
عليت و بقيت نشيطة و باحرق بسرعة
و كل ما مودى يبقى احلى
ثقتى بنفسى بقت اعلى
و الحرق زاد
و بقت دايرة كاملة
 
اغلب الناس اللى عندها مشكلة فى الوزن بيكونوا مكتئبين
و الاكتئاب بيقلل النشاط
و قلة النشاط بتقلل الحرق
و قلة الحرق بتصيب الواحد بالخمول
و الخمول بيزود الوزن 
و الوزن الزيادة بيقلل الثقة فى النفس
و قلة الثقة بتسبب الانطواء
و الانطواء بيجيب اكتئاب
و الاكتئاب بيقلل النشاط
و دوخينى يا لمونة
 
انا كسرت الدايرة دى بعقلى
بال
attitude
و من ساعتها وزنى ما زادش و كله زى الفل
 
انا ما عملتش رجيم
انا غيرت شخصيتى

 

 

 
مافيش حاجة اسمها وزن مثالى بالميزان
 
فى وزن مثالى انت حاسس بيه و شايفه فى المرايا
Bookmark and Share