fbpx
مونتيسوري مصر- تقدمها مروة رخا

ازاى بنت الناس تتحول لشرموطة – مع الاعتذار لذوى المشاعر المرهفة

 

 

هاي يامروي عامله ايه اخبارك. معلش يامروي انا لجاتلك لان ماليش غير ربنا وانتي انا هحكيلك حكايتي باختصار انا يامروي كنت متعرفه علي واحد من سنه كده وبنكلم تقريبن كنا كل يوم خلال السنه دي ودايمن نخرج مع بعض وعرفنا بعض خلالها وكنا خلاص هنرتبط ببعض وقالي وكنا بنتعامل مرتبطين

بس كان معرفني علي صاحبو انتيمو ومعاه رقمي كان صاحبه سعات يتصل بيا كنت انسا اقله اقله بعدها بفتره كان يضايق ويقلي لسه فاكره تقولي وقالي حاجه وقالي متقليهاش لصاحبي وانا رحت قلتها لصاحبه بس والله من غير مقصد ومن ساعتها وهوا قالب عليا ومش طايق يكلم معايا

ويقلي احنا اصحاب بس انا يامروي فضلت اكلمو ومرميه عليه وهوا منفض ويعاملني باسلوب وطريقه وحشه لحد مرخصت نفسي قدامو وبينت ان معنديش كرامه وهوا بنفسه قالي كدا فمره كنا بنكلم عالنت وفضلت مخصماه اسبوعين بس سمعت انه نزل بلدي لانه من بلد تانيه

قمت كلمته اكلم معايا عادي وقالي احنا صحاب وكدا بقيت كل يوم اخرلاج لما هوا كان هنا واقله انت فين طب مش هشوفك لان ببقي عاوزه اشوفه كان لما يشفني غلس معايا ومش عاطيني وش

فبقله انت بتعمل معايا كزا كزا

قالي بصي سيبك مني وعاوز منكلمش تاني لان مبعرفش اتعامل مع بنت معندهاش كرامه بس من ساعتها يامروي مافيش اي كلام وسمعت انه فالفتره دي رجع لبنت كان بيحبها ومرتبطين بعد مكان بيقلي انه نساها وهوا علي فكره يامروي كان صادق دايمن فمشاعرو انا يامروي هجنن هجنن بجد اعده بفتكرو وعلي طول قدامي هموت ونرجع نكلم حتي كاصحاب بس مخنوقه جدا مش عارفه اعمل ايه …سري يامروي لوطولت عليكي بس معلش ربنا يخليكي لينا وتبقي معانا دايمن

 

————————————

أنا هموت ناقصة عمر بسببك
و بسبب البنات اللى كل يوم بيبعتوا لى رسايل عاملة كدة
 
أنا بجد زعلانة عليكى
مقهورة
 
فى ناس فاكرة ان الشرموطة هى البنت او الست اللى بتعاشر رجالة كتير فى الحرام و بفلوس
 
المعنى الحرفى للكلمة دى هو حتة القماشة الوسخة اللى بيتمسح بيها كل الأسطح
 
و انتى حولتى نفسك من انسانة معززة مكرمة لخيشة فى ايد واحد قرف منك و رماكى
 
انا اسفة ان كلامى جارح و اسفة على حدتى معاكى
 
بس دى مش اول مرة تبعتى لى و كل مرة تبعتى لى – على نفس الشخص او شخص غيره – المشكلة كانت بتبقى هى هى … مافيش كرامة … مدلوقة و مرمية على الراجل اللى معاكى لحد ما يزهد فيكى و يبقى مش طايق يبص فى وشك
 
من فضلك
اقطعى علاقتك بيه و بصاحبه و بكل المراحيم
و اغسلى التراب و الاهانة من عليكى
و ابتدى صفحة جديدة مع نفسك فى بعض احترام الذات
 

انتى عارفة ان انا مش ضد الحب و مش ضد حتى انك ترتبطى لكن انا ضد انك تبهدلى نفسك مع اللى يسوا و اللى ما يسواش باسم الحب

من هي مروة رخا؟
مروة رخا: موجهة مونتيسوري معتمدة دولياً من الميلاد حتى 12 عام. Marwa Rakha: Internationally certified Montessori educator from birth to 12 years.

بدأت “مروة رخا” رحلتها مع “نهج وفلسفة المونتيسوري” في نهاية عام 2011 بقراءة كتب “د. ماريا مونتيسوري” عن الطفل والبيئة الغنية التي يحتاجها لينمو ويزدهر. تلت القراءة الحرة دراسة متعمقة للفلسفة والمنهج مع مركز أمريكا الشمالية للمونتيسوري

“North American Montessori Center”