fbpx
مونتيسوري مصر- تقدمها مروة رخا

الإكتئاب و السخط و كل الناس مش بيفهموا

 
 
 
بصي يا مروة,انا اتخنقت خلاص من كل حاجة و مش ادرة استحمل , بصي انا هحكيلك باختصار علي اد ما اقدر

انا يا مروة بنت عادية طول عمر الناس بتقول علية رقيقة زيادة عن اللزوم,حساسة اوي حاجات كدة,بس من وجهة نظر مامتي اني معقدة و وحشة و مش بحب اضحك, ده بسبب اني مش بحب الهزار التقيل او مش بستحمل حد يجي علي كرامتي,ولا بستحمل حد يحرجني ,او تقدري تقولي ليه خطوط حمرا كتير في حياتي مش بحب حد يعاديها, ماما بقي غيري خالص, مالهاش علاقة خالص بكلمة رقيقة و الحنية والكلام ده, نشفة و قلبها جامد اوي ,بس علية انا و بابا بس,لكن اخويا اخر داع و اهتمام وحنيه, وده لانها اتربت علي ان الولد اهم من البنت

المهم يا مروة دلوقتي انا تعبانة بسبب حاجات كتيره اوي,تعبانه لاني حاسة ان الناس اللى خوالية مافيهومش حد عارف يفهمني,بس انا مؤخرا بدات احس ان اكيد العيب فيا انا ماهو مش معقول كل الناس وحشة يعني

مروة انا محتاجة حد يتعامل معايا زي ما انا بتعامل مع الناس , قصدى يعني اني مش طالبة معامله خارقة,يعني حد يراعي شعوري, المشكلة اني مافيش اي حد كدة,ماما و علي طول يا مروة من غير سبب مكشرة في وشي و بتتلكك علشان تخاصمني وانا يا مروة والله بتعب اوي لما بتخاصمني,ماهو انا ماليش حد غيرها, والله بحاول ارضيها علي اد ما اقدر بس مش عارفى ارضيها ازاي,علي طول تتخنق من اخويا لانه مدلع جدا فا متقدرش تعمله حاجة فتعد تدلع فيه و بعدين تيجي تبهدلني انا من غير سبب

اخويا بقي بما انه مدلع فا مالوش هم الا نفسه,عايش مع نفسه مالوش اي ضور في حياتي الا اني علي طول مخنوقة بسببه,بابايا بقي عايش في دنيا لوحده علي طول اودام التليفزيون و حافظ كلمتين بيقولهم في اي مشكله(عليه العوض و منه العوض)بس كده هو ده دوره في حياتنا,زمان يا مروة كنت بحسب اني لما احكي لاصحابي اللي مزعلني هايخدوني في حضنهم و يطبطبوا علية,فكنت بحكي ماساة بيتنا,لقيت بعد كدة ان الحاجات دي بتتمسك علي الواحد ولو ماتمسكتش الرد بيبقي مش رد حد حاسس باللي انتي بتقوليه

رد بارد اوي اللي هو معلش استحملي بيني و بينك انا عارفة ان اللي هو طيب هايعملولي ايه,فخلاص بطلت احكي,اتخطبت وكنت فاكرة اني كدة بقة هاترمي في حضن اخطيبي و احكيله وهو بقة هايعوضني عن كل حاجة,الولي اوعي تحكي لخطيبك اسرار بيتك هتتمسك عليكي بعد كدة,حتي خطيبي يا مروة مش بيريحني لما بحكيله علي حاجة مضيقاني, ثقتي بنفسي بدات تتهز,كنت زمان مقتنعة اني صح و الناس هي اللي وحشة و بكرة هلاقي حد كويس اعرف اتعامل معاه,دلوقتي فقدت الامل و بدات اقتنع ان اكيد العيب فية,مهو مش معقول الناس كلها وحشة

رحت لدكتور نفسي يا مروة حكتله,برده رد علية رد مارايحنيش,انا تعبت و اتخنقت واني املي الوحيد دلوقتي,عندي امل انك تفهمي انا عايزة اقول ايه,انا في الف حاجة عايزة احكيلك عليها و نفسي اوي و حتاجة اوي اني اكلمك,لو ينفع اديني رقم اكلمك عليه ابقي متشكرة اوي لو مش ينفع خلا بس المهم ياري يا ريت ماتنشريش المشكلة علس الموقع بس ياريت تردي علية و يا ريت لو تديني فرصة اتكلم معاكي لاني حاسة انك يمكن تفهميني

 

 
——————————————-

 

 

أهلا يا جميلة
 
انتى وقعتى فى الفخ
 
فخ الاكتئاب
 
و الاكتئاب اللى من النوع بتاعك دا بييجى لما الناس تعيش جوة دماغها
 
هتلاقى الحبة بقت قبة
و هتكرهى عيشتك
 
انتى كل كلامك عن نفسك و شخصيتك و احتياجاتك و مشاعرك … دا نوع من الأنانية المرضية اللى هتولد عندك شعور بشع بالسخط و عدم الرضا
 
انتى عايزة ناس تفصيل
ناس يكونوا نسخة منك
يقولوا اللى فى بالك
و يحققوا احلامك
و يرضوا مشاعرك و احاسيسك
 
لكن الدنيا مش كدة
اللى بيجرحنا مش الناس اللى فى حياتنا
 
الجرح كله بييجى مننا لنفسنا
 
ايوة! كل مشاكلك سببها توقعاتك من اللى حواليكى 
لكن توقعاتك دى مسئوليتك انتى
و مش مشكلتهم خالص
 
سؤال يمكن يساعدك
انتى ربنا خلقك ليه؟
من هي مروة رخا؟
مروة رخا: موجهة مونتيسوري معتمدة دولياً من الميلاد حتى 12 عام. Marwa Rakha: Internationally certified Montessori educator from birth to 12 years.

بدأت “مروة رخا” رحلتها مع “نهج وفلسفة المونتيسوري” في نهاية عام 2011 بقراءة كتب “د. ماريا مونتيسوري” عن الطفل والبيئة الغنية التي يحتاجها لينمو ويزدهر. تلت القراءة الحرة دراسة متعمقة للفلسفة والمنهج مع مركز أمريكا الشمالية للمونتيسوري

“North American Montessori Center”