رحلة العذاب و الضنا

Date posted: May 5, 2010


 
 
 
اولا السلام عليكم ورحمته الله وبركاته

بصرحة انا كنت مترددة كتيييير اوي ابل ما اكتب الرسالة ديه بس لاني عندي ثقة في حضرتك انك ممكن تساعديني ولاني عجزت اني اوصل لحل حبيت اكتبلك…

انا حكيتي بدات من 5 سنيييييييين كان في حد حبني بس انا بصراحة مكنتش بحبه بس عرض عليا الارتباط بصراحة مفكرتش كتير يمكن علشان عمري وقتها مكنش يسمحلي بمساحة التفكير ولا طريقة التفكير زي دلوقتي بصيت للشكليات شغله كويس ومستقبله مضمون انسان محترم واهله ناس كويسين قولت وانا عايزة ايه اكتر من كدة بس فولتله اااه موافقة بس بعدين قولت لا مش قادرة احبه روحت خليط وحدة قريبة مني تقوله اني مش قادرة اكمل بعد كدة وبعد حوالي 3 شهور رجع فتح الموضوع معايا تاني بس و وفقت ليه معرفش بس ابتديت احس اني فيه حاجة من نحيتي

 

بس مكناش فهمين بعض الاول بس نسيت حاجة الموضوع كان بعلم الاهل من الطرفين
المهم حصليت مشاكل كتييييييييييير قوي وكنا بنبعد ونقرب بس وكنت وحشو معاه اوي منكرش ده وجرحته كتيييييييييييير اوي بس ده كان في الاول بعدين بقي هو خطب بس كنت متاكدة انه مش هيكمل وبرغم كدة كان بيكلمني وهو خاطب وانا الحد الوحيد الي كان ممكن يحكيله مشكله وكل حاجة…معلش انا بختصر في الاحداث لاني ال5سنين اكييد حصل فيها حاجات كتير اوي بس بعد كدة الصورة اتعكست اني الي بقيت بحبه اوي فوق ما كنت اتخيل وهو معرفش كان بيعتبرني ايه في حياته المهم اول ما فركش خطوبته رجعلي اصحاب ولا ايه معرفش بس كل الي كان يسمع كلمنا ولا يشوف تصرفتنا ميقولش اننا اصحاب

 

ابدا..كنا كل يوم بنقرب لبعض اكتر ونفهم بعض اكتر واكتر..لدرجة اننا بنتكلم نفس الكلام في نفس الوقت..بنحس ببعض لو احنا بعيد فضلناع الحال ده حوالي سنة حسيت اني مبقتش عارفة راسي من رجلية..ولا انا ماشية فين ولا بعمل ايه..حسيت اني هنت نفسي وجيت عليها كتتتتييييييييير اوي في الفترة الاخيرة ديه وهو كان عارف ده….قررت ابعد وده كان ستارة النهاية بالنسبالي بس كان جواية حاجة زي كل مرة بتقولي ااننا هنرجع..ازاي وامتي معرفش…صدفة ولا بارداتنا محبتهاش…بس جوايا حاجة بتقولي اننا لبعض مهما حيحصل…وفعلا بعدت وده كان اول واصعب قرار اخده في حياتي كان صح بعد 4 سنين ماكنا نعرف بعض ياما حولينا نبعد وكنا بنفشل وكل مرة كان هو الي يرجع…بعدنا اوي بعدنا سنة وفي السنة ديه كنت ببعده عن تفكير بس مقدرتش افكر في غيره..وحتي لو حد اتقدملي كنت برفض الموضوع رفضا بااتا من غير تفكير…بس منكرش اني قبلت شخصيات شدتني بس مجرد مكنت اتكلم معاهم بلاقي نفسي بقرنهم بيه ازاي وليه معرفش..المهم مش هطول عليكي

بعد سنة بالظبط لقتني بحلم بيه انه راجع وبيقولي محتجلك بس مكنتش احلام عادية ديه احلام قلبتلي حياتي كنت متاكدة انها حتحصل…وفعلا وحصلت اقسم بالله كل كلمة وكل حاجة حلمت بيها حصلت اكني مكنتش بحلم واني الواقع اتحقق قدامي مرتين تعبت نفسيا وسالت ده بيحصل ازاي احنا بعااد عن بعض ازاي احس بيه وصح طول فترة بعدنا كنت بكون عارفة هو تعبان ولا لا بيفكر فيا ولا لا وسبحانك ياربي كانت بتجيلي اخباره تاكدلي احساسي وكنت بقول لنفسي وللدنيا كلها اني لايمكن ارجعله ده وجعني ده جرحني مش هو الانسان المناسب

بس كان جواية صوت بيقولي متاكديش كلامك متعرفيش بكرة فيه ايه…حوليت اصده اول ما رجع مرة واتنين بس بعدين ابتديت اسمعه واشوف ايه رجعه يااااااااااه لقيته انسان تاني الي قابلته اول مرة حد عارف قمتي اقوي خايف عليا من الهوي مستعد يعمل المستحيل علشان اثق فيه تاني وكلمني ع الجواز صراحة بس بصراحة كنت قافلة في وشه كل الابواب من الناحية ديه وحولت افهمه اني فيه حد تاني في حياتي هو مصدقش بس اصريت ع كلامي بس بجد الفترة الي فاتت ديه كان بيعمل كل حاجة ترضيني اتغير 360 درجة للاحسن مكنش بيحاول يضيقني قربنا لبعض اوي اوي وزاد موضوع اننا بقينا كل حاجة نفكر فيا تكون واحدة

لدرجة اني مرة صحيت الصبح حاسة اني هشوفه وكان يوم غريب وشفته بصدفة اغرب وهو كان عنده نفس الاحساس بنتكلم نفس الكلام في نفس الوقت….سالني انتي لسة بتحبني؟؟؟قولتله لا طبعا احنا اخوات ومفيش بنا الكلام ده لا وكمان قولتله اني هرتبط ااااااااااااااه يا مروة ومامته في الوقت ده كانت جيباله واحد كويسة ابتدي يتعرف عليها سالني رايك ايه في الموضوع ده قولتله عادي كمل وحاول تدي نفسك فرصة معاها قالي انتي شايفة كدة قولتله اااااااااااااااه ويارتني ما قولت ااااااااااااه بعد اسبوع راح كلم اهلها وبقيت زي المجنونة مش عارفة اعمل ايه بس احنا لغايت دلوقتي بنتكلم وفي كل ثانية بنتكلمها بنقرب لبعض اكتر وهو بيقولي ماتحكيش ع نفسك عمرك ما فهتي حد ولا حسيتي بحد ولا انا فهمت حد ولا حسيت بيه زي الي حصل بينا وقالي مستحيل نلاقي الي لقيناه مع بعض تاني

 

يا مروة انا عايزة اعرف هو ليه بيكلمني رغم انه اتقدملها بس لسة الخطوبة مش دلوقتي لا وبيقولي انه حاسس اني الموضوع مش هيكمل
بيطمن عليا تقريبا بنتكلم يوميا ع النت

 

اعمل ايه خلاص هو اتقدم لوحدة تانية

انا مش متخيلة نفسي مع غيره وفي نفس الوقت كمنتش اقدر اقوله بعد كل الي عمله لمجرد انه رجع اني لسة بحبه انا فعلا مش حاسة اني بحبه بس حاسة اني فيه حاجة بتربنا اقوي من الحب بكتير حاجة مخلينا اتنين بيكملوا بعض مشيفاه نفسي مع غيره وفي نفس الوقت مش بحبه عارفة اني الي فية فيه وانه بيقرني بيها

 

ابعد ولا اعمل ايه؟؟؟؟؟؟؟؟
انا تعبانة اوي وعجزت عن التفكير

 

ارجوكي ساعدينة

———————————-

أنا عايزة اخنقك
 
عايزة أطلع ايدى من الشاشة و انتى بتقرى و اخنقك
 
بجد بجد
 
ليه يا بنتى كدة؟
 
ليه الحوارات و شغل الأفلام و الأغانى الهابطة؟
 
فاكرة نكتة المؤمن اللى كان فى مركب و غرقت
و كل ما تعدى مركب نجاة و يقولوا له اركب
يقول لأ
ربنا هينجينى
 
و فى الاخر مات
و طلع لربنا و قال له انت ليه يا ربنا سيبتنى أموت و أنا كنت فاكرك هتنجينى
 
قال له ما يا ابن كذا و كذا انا بعت لك بدل مركب النجاة عشرة و انت اللى ما ركبتش
 
لوزة
 
يا تفتحى الكلام على مياة بيضة يا تقفلى الموضوع و نخلص
 
لأن رسالتك الجاية هتكون بعنوان
 
حبيبتى مروة … أنا بحب حبيبى القديم المتجوز ….  و هو كمان بيحبنى
Bookmark and Share