رسالة من شاب مصرى – الاخوة بتوع الوعظ و الارشاد يمتنعون

Date posted: April 26, 2010


 
 
 
رسالة من شاب مصرى – الاخوة بتوع الوعظ و الارشاد يمتنعون
لقد اعذر من انذر
 
مش باهزر
———————–
 
ازيك يامروة أخبارك أيه ؟؟

 

 

 
مروة زهقان من النفاق ،

 

مش عايز أمثل ،، ولا أرغي

فهمت الجيم ومش عايز ألعبه

ايه اللي يخليني اتفرج علي مسلسل عربي ،، وانا عارفه وبمثله حلقة حلقة ؟؟

وبعدين كمان لازم اكون انا البطل ، والبطلة ماشية ورايا بخطوة ،،

انا عايزة بطلة تكون جمبي مساوية ليا

 

____
فبيجيلي حالة من

 

الملل والبيض

 

____________
طب لو عرفت واحده

 

 

وقلتلها 
i want you

 

حاسس انها هتكون فجة الجملة

 

 
وفي نفس الوقت ،، اللي بفلوس…. .مش مدي انا الأمان لحاجة ذي دي
 

 

 

 
مروة

 

حابب أكون متصالح مع ذاتي ،، وموضوع الحب والعلاقة ده عاملي أزعاج

التصرف يكون أزاي ..

وأتكلمي من فضلك معايا بصراحة …من غير لهجة مقتضبة ،،

 

 
ده لأني معتبرك حد فاهم كويس قوي

 

 شكرا جزيلا

—————————————

 

 

بص قبل ما ارد عليك عايزين نتفق على تعريفات العلاقات 
و بعدين تقول لى انت عايز ايه فيهم

 

 

فى عندك
 
Serious Relationship
دى علاقة جادة … فيها حب و التزام من الطرفين و مع الوقت و الثقة الجنس بييجى او مش بييجى .. مش مهم .. المهم انهم مع بعض و عايزين يستمروا و يكملوا مع بعض

 

 

Open Relationship
دى علاقة حب بس مفتوحة من الناحيتين … ما فيش التزام .. هو عنده غيرها و هى عندها غيره لكن بيحبوا بعض

 

Casual Relationship

دى علاقة قصيرة … عاملة زى العسل اللى اول قطفة … الناس بتنبسط مع بعض فترة و بعد كدة خالتى و خالتك و اتفرقوا الخالات

Friends with Benefits Relationship

دى علاقة صداقة وطيدة .. مالهاش مستقبل غير الصداقة …. لكن بينهم ثقة كفاية انهم يمارسوا الجنس من غير ما يخسروا بعض

 

One Night Stand
دى علاقة بتبتدى و تنتهى فى نفس الليلة او تانى ليلة بالكتير

 

 —————————-

أوكي …..

Open Relationship

 

 ————————-

 طيب

 

open relations
لها شروط

 

 

اولا انت لازم تحبها كأنك الوحيد فى حياتها و كأنها الوحيدة فى حياتك
و طبعا فى دلع و حب و اهتمام و تليفونات و كدة و الا هتتقلش
و مش هينفع تغير
و لا تتضايق لو هى هتخرج مع حد و لا هتقابل حد تانى
و انت بقى لازم تكون واضح و صريح من الاول

 

 

يعنى
هتقول لها
يا مشمشة انا معجب بيكى
و عايز نعرف بعض اكتر
لكن انا مش باحب اضحك على بنات الناس
و علشان كدة انا هاحترمك و هقول لك ان انا بصراحة مش بافكر فى الجواز و الارتباط دلوقتى .
. يمكن ييجى و يمكن لأ … 
و انا عايز نعرف بعض اكتر لكن انا مش عايز اخنقك 
و مش عايز اضيع اى فرص من ايديكى … 
و علشان كدة انتى من حقك تعملى اللى انتى عايزاه
و لو قررتى انك ما تعرفيش حد تانى يبقى دا قرارك لوحدك و من دماغك.
اما انا يا حبيبتى فكل اللى هقدر اقدمه ليكى دلوقتى هو الحب و الحنان
 

 

 

لما تختار بقى ابعد عن البنات الغلابة اللى عايزة تعيش
و ابعد عن اللى عايزين جواز
و ابعد عن اللى مش عندهم خبرة

 

 ——————————-

تمااااااام جدا ،

 

والجمل الأخيرة دي جميلة منك ، ومعاك حق 
________________
سؤال ماعرفش ليه أجابة ،

 

هل في بنات في مصر صادقة مع نفسها وعارفة هي عايزة ايه ؟ وتفكر بهذا الشكل ( العلاقة الاوبن)؟

 —————————-

 

قبل ما تدور على البنات الصادقة مع نفسها لازم انت تتصالح مع نفسك

 

يعنى ما ينفعش من جواك تبقى بتقول عليها شر**** و تبقى عايزها ترحب بعلاقة معاك

و ما ينفعش تبقى واحد عايز ينام مع واحدة و خلاص فبيتحايل على نفسه بموضوع العلاقة الاوبن دى

 

يعنى لو انت بتدور على انسانة
لازم انت تكون انسان

 

 

و لو عايزها متفتحة فعلا مش بتمثل
لازم انت تكون متفتح فعلا مش بتمثل

 

 

و لو انت عندك ازدواجية و مش قادر تواجه نفسك و اللى حواليك
هيكون مصيرك مع بنات عندهم ازدواجية و مش قادرين يواجهوا نفسهم و اللى حواليهم

 

 

ممكن طبعا تقابل البنت اللى انت بتدور عليها دى
و ممكن تعجب بيك
لكن اول ما هتحس البنت دى بازدواجيتك و صراعاتك الداخلية هتاخد ديلها فى سنانها و تجرى

 

فهمت؟

Bookmark and Share