مراته و بنته ماتوا فى حادثة … اتجوزه؟

Date posted: April 7, 2010


انا ياستي عندى 24 ناس كتيييير بتشكر فيا وبجد بلاقي نفسي مكسوفه جدا لان اهلي مش شايفين اى حاجه كويسة فيا عشان متمرعش وأخد قلم في نفسي

 

فى واحد متقدم لي بس لسه مقعدش مع اهلي وانا معرفوش عيبه الوحيد انه ارمل مع العلم ان عنده 28 سنه بس…ومراته وبنته ماتوا في حادثه انا خايفه من المقارنه بيني وبين مراته فى كل حاجه في الحياة الاجتماعية والحياة الخاصة هو اكيد كان بيحبها ومش هينساها ..ماما بتقوللي وهى مامته لو انتي مكانه هترضي بارمله لابنها حتي لو معندهاش ولاد…انا لسه مش بايرة بس خايفه اظلم حد لسبب مش بارادته اعمل ايييييييييييييييييه؟؟؟؟؟؟؟ 
هو انا كده تافهة وتفكيري ضيق ولا ده العادى انا حاسه اننى نضجت بس برضه انى بفكر فى حاجات غريبة وبعمل افلام مع نفسي

 

 

—————

 

انا لا هقدر اقول لك اقبلى و لا هقدر اقولك ارفضى
 
لان انتى بتتكلمى عن انسان مش عن عربية
 
يعنى لما الواحد بيشترى عربية بيسأل زيرو و لا مستعملة
ماشية كام كيلو
عاملة حوادث
دهان فبريقة و لا رش
 
و بيقرر على الاساس دا
 
لكن فى العلاقات بين البشر الوضع مختلف
انتى كل الكلام اللى كتبتيه عنه افتراضاتك و افتراضات اهلك
الله اعلم هى فين من الواقع
يبقى الافضل انك تقابليه و تحاولى تعرفيه كانسان يستاهل المعرفة مش كعربية بتشتريها
  
 
 
Bookmark and Share