fbpx
مونتيسوري مصر- تقدمها مروة رخا
ازيك استاذة مروة .. انا مشكلتى طويلة شوية واتمنى اجد لها حلا
انا شاب مغترب وخطبت بنت عمى وبقالنا 3 سنوات مع بعض وبنحب بعض جدا . صارت مشاكل تحدث ومكنا نتغلب عليها بحبنا ونرجع لبعض تانى . لكن منذ فترة بسيطة المشاكل دى زادت عن الحد حتى اصبحت تصل للانفصال ويتدخلوا الاهل ويرجعوا الموضوع تانى. قررنا ناخد موقف ووقفة مع نفسنا ونحاول نتغير ومن عيويبا ومن عيوبى التى زكرتها انى لما بتحصل مشكلة بروح اشكى لحد من اهلى او اهلها لكن اهلها بيضربوها و هيا من عيوبها ان لسانها بيفلت كتير بالغلط اللى بيوصل لحد الشتائم كذلك لما بتحصل مشكلة الاقيها تجيب جميع المشاكل اللى من اول خطوبتنا وتعيد وتزيد فيها ..تفضل تقلب ف القديم وعصبية جدا وصوتها عالى لكن هيا وعدتنى ايضا بتغيير كل ده لكن مفيش تغيير خالص ..
صحيح يااستاذة مروه انا غلطت كتير لكن برجع اعتذر وبحاول التغيير لكن هيا بتحاول انها تربينى دايما وتكبمينى باسلوب مش اللى هو حت ى اخر مرة كنا هننفصل كان بسبب انها شتمتنى والاخر طلعةنى انا الغلطان
انا قلت فى قرارة نفسى بعد ماسمعت منها الكلام ده يبقى خلاص ابعد واختفى فترة عالاقل حفاظا لكرامتى ولا اكلمها ولا ارد عليها واخليها هيا اللى تدور .. وعندما انزل مصر بالسلامة اقف وقفة اخرى واشورها من جديد هل هتقدر تكمل معى ام لا
اية راى حضرتك
________________________________

اهلا يا مشمش
انا عايزاك تقرا ردى و انت هادى و عقلانى و بعيد شوية عن العواطف
هما مش بيقولوا ربنا عرفوه بالعقل؟
يعنى ايه الكلام دا؟ فى ناس قالت اننا ممكن نستدل على وجود الله بالعقل
و فى ناس قالت ان ربنا اللى خلقنا ميزنا بالعقل
و فى ناس قالت ان ربنا امرنا نشغل العقل
انا بقى باقول لك ان ربنا بيحط قدامنا الحقائق و احنا بتجاهلها و لما الفاس تقع فى الراس بنرجع و نقول ارادة ربنا و النصيب كدة و الكلام دا
و هو دا اللى انت بتعمله
انت و هى مش متوافقين
هى بتطلع اسوأ ما فيك و انت بتطلع اسوأ ما فيها
انت حاولت تتغير و ما نفعش
و هى حاولت تتغير و ما نفعش
يبقى ايه بقى؟
عند و خلاص؟
طيب عند فى مين؟ فى نفسك؟ فيها؟ فى ربنا؟
انت عندك صورة مصغرة و مخففه من حياتك الزوجية معها ..و الصورة لا فيها احترام و لا فيها اى شئ مضئ .. خناقات … فركشة … ضرب .. قلة أدب … يبقى انت بتسأل على ايه؟
من هي مروة رخا؟
مروة رخا: موجهة مونتيسوري معتمدة دولياً من الميلاد حتى 12 عام. Marwa Rakha: Internationally certified Montessori educator from birth to 12 years.

بدأت “مروة رخا” رحلتها مع “نهج وفلسفة المونتيسوري” في نهاية عام 2011 بقراءة كتب “د. ماريا مونتيسوري” عن الطفل والبيئة الغنية التي يحتاجها لينمو ويزدهر. تلت القراءة الحرة دراسة متعمقة للفلسفة والمنهج مع مركز أمريكا الشمالية للمونتيسوري

“North American Montessori Center”