أنا كارهه نفسى و كرهاه و كارهه كل الرجالة

Date posted: January 5, 2010


 

 

ازيك يا مروة ! الحقينى! أنا اتعرفت على واحد فى فرح و حبيته جدا و بعد شهر و حصل بيننا علاقة جنسية بس الحمد لله مش كاملة. الموضوع دا حصل مرة واحدة و هو اختفى بعدها. سابنى من غير و لا كلمة و أنا كارهه نفسى و كرهاه و كارهه كل الرجالة و مش عارفة أعمل إيه و خايفة من ربنا و عايزة أموت نفسى

 ———————–

 

انت لما عملتى اللى عملتيه غلطتى فى حق نفسك
مش علشان الجنس فى حد ذاته .. لأ
علشان سلمتى نفسك لانسان مزدوج .. ما هو كمان مذنب .. و قدام ربنا هو كمان غلطان

المهم يا مشمشة
انك تتعلمى من غلطتك
تتعلمى امتى تدى و تدى لمين و تدى قد ايه

عاتبى نفسك زى الام ما بتعاتب بنتها
و سامحى نفسك زى ما الام بتسامح بنتها
و اتعلمى من اخطائك
لان المرة الجاية الموضوع هيكبر عن كدة

أوعى تعملى حاجة انت مش مقتنعة بيها

أوعى تعملى حاجة ضد مبادئك

و أوعى تحاولى تصلحى غلط بغلط أكبر منه

Bookmark and Share