Creative Commons License
Marwa Rakha's Articles, Shows, Books, and Free Books by Marwa Rakha is licensed under a Creative Commons Attribution-NonCommercial-NoDerivs 3.0 Unported License.
Based on a work at www.marwarakha.com.

اللى بيدور فى صندوق زباله مش هيلاقى الماظ

Date posted: January 3, 2010


انا بصراحة قعدت أفكر كتير قبل ما أبعتلك مشكلتى بس بجد محدش عارف يقنعنى بحل ليها

أنا مشكلتى بدأت وأنا عندى 18 سنة كانت فية واحدة جارتنا عندها 42 سنة وكنت متعود انى اروح عندهم البيت وجوزها وأولادها موجودين عشان بعرف أصلح الفيديو وفى يوم قالتلى تعالى صلح الفيديو كان بليل وملقتشى ولا جوزها وانا بشغل الفيديو لقيت شريط بورن جواة ولقتها مش لابسة حاجة خالص تحت الهدوم وقالتلى تعالى نام معايا

دى كانت اول مرة فى حياتى من ساعتها بجد وانا بكرة حاجة اسمها الجواز مش عاوز ارتبط بأى واحدة عشان متطلعشى زى الست دى وانا صغير برضة كان عندى 7 سنين كانت بنت جارتنا اكبر منى ب 6 سنين وبرضة عملت معايا حاجات وعلمتنى اعمل اية وكملت عادى فى الكلية كانت بعيدة عن البيت فقطعت علاقتى خالص بجارتنا دى وهى اما انا خلصت الكلية كانت عزلت من المنطقة

وانا اشتغلت وبقيت اقابل ستات كتيرة متجوزة على النت وبتعرض علية انها تيجى الشقة وقتها كنت عايش لوحدى عشان انا اصلا مش من القاهرة واكتر من مرة كنت بهرب واوقات تانية كنت بضعف بس كنت بسأل كل واحدة أنتى بتقولى اية لجوزك وانتى نازلة كلهم ردود مختلفة بس فى الأخر اللى فى بيخونوا

المشكلة أنوا انا رافض فكرة الجواز وعلى طول بهرب منها

أخر واحدة عرفتها كانت متجوزة وعايشة فى أسكندرية كنت بروح ليها هناك مرتين فى الأسبوع هى جوزها مسافر وقاعدة مع حماتها ست كبيرة وما بتطلعشى من الأوضة انا طبعا عرفتها من النت وكانت عارفة ناس كتير .كنت فاكر انى غلطان لما افتكرت انها ممكن تتغير وطول الوقت حاسس انها بتكلم حد من روايا وبردة فضلت معاها. الكلام دا كان فى فترة سنة طبعا طول الوقت كلام معايا من ساعة ما تصحى لحد ما ننام سوا و دا غير الأيام اللى كنت بروحلها فيها

المهم دا أثر طبعا على شغلى وجة وقت الزيادة السنوية طبعا كل الشركات أتحججت بالأزمة الأقتصادية أنا اتخنقت وسبت الشغل عشان كنت فى الفترة الأخيرة تقريبا ماسك كل حاجة وبعملها بعد كدة قعدت فى البيت 5 شهور قبل ما امسك شغلى اللى انا فية دلوقتى هى طول الوقت كانت كويسة لحد ما انا جيت فى يوم كنت عاوز أعرف هى بتكلم حد لأنى كنت شاكك فيها طول الوقت طبعا انا خانق عليها عشان كنت فاضى لحد ما قولتلها انا هسيبك وابعدى عنى لأذيكى قالتلى خلاص سلام قولت كدة هى تعرف حد ونفضت لحد ما لقتها بتتصل تانى بليل وضعفت وكلمتها تانى

أكتشفت أنوا اللى تعرفة واحد كان ساكن معايا فى نفس الشقة وقاعد معايا فى الأوضة خد رقمها من على موبايلى وكلمها وهى طبعا اشتغلتة وقالتلة بحبك والتانى عاش الدور ويقولى واللة ما اعرفها لحد ما اخدت موبايلة وهو نايم وشوفت رقمها عندة وواجهتة ويقولى واللة ابدا قولتلة والرقم اللى على موبايلك عمل انة زعلان انى فتحت موبايلة وعشان كدة انا بهدلتلة وقولتلة ما تكلمنيش تانى

وجبت فاتورة موبايلة من فودافون عشان انا كنت المفوض عن الشركة وبعت من أميل تانى انة انا من الشركة وبعت الاتورة لصاحب شركتة على انها سوء استعمال من الموظف لخط الشركة خليت صاحب شركتة يدفعة الفاتورة كلها وبعد كدة يدفع نص الفاتورة ونزلوة فى المرتب والوظيفة

وهى فضحتها عن والدتها طبعا امها ولا الهوا البيت عندهم سايب جدا وقالتلى ملكشى دعودة بيها وكلمت جوزها على انى واحد بنصحة وقولتلة مراتك بتخونك وفضحتها بس ما طلقهاش بالرغم من انة متأكد انها خانتة وكمان واحد حكتلة على موضوع البت لقط كمان رقم موبايلها وراح ليها الشقة فى مقابل انة يحميها منى هو محامى وساكن فى نفس العمارة عاوز اقولك انى خليت واحدة فى العمارة تضربة بالشبشب ومسحت بية الأرض ومخلتشى لية أعتبار وحذرت الناس منة وهى فضحتها

المشكلة انى بجد دلوقتى مش قادر اشيل من دماغى فكرة الأنتقام من الكل خصوصا انا اما اشتغلت نزلت على مرتب اقل من اللى كنت باخدة كان لازم اقدم تنازلات ومش قابل الوضع اللى انا فية دلوقتى ومكلم ناس كتيرة على شغل بس مش عارف اعيش يا مروة نفسى ادمر كل الناس دى

بالرغم من انى معايا كل حاجة شقتى والعربية بس مش عارف اعيش وبقيت مقعدشى على النت عشان كل مرة يا بقابل واحدة متجوزة بتخون يا مطلقة وانا بصراحة تعبت من الصنف دا وخايف انى ارتبط بواحدة او حتى اتجوز انا سمعت الحلقة بتاعتك عن زنا المحارم وانة واحد نام مع خالتة وبعدين اتجوز وطلق 4 مرات انا مش عاوز ابقى كدة وفى نفس الوقت بردة مش عارف اعيش حياتى زى الاول تانى ومش عارف اعمل اية

———————————–

شوف يا مشمش

انا هرد عليك فى نقط مختصرة بس جايبة من الاخر

اولا اللى بيدور فى صندوق زباله مش هيلاقى الماظ .. انت كل اللى عرفتهم كانوا لا يصلحوا لاى شئ الا الجنس و العلاقات الجنسية و بس .. و انت من الاول عارف كدة … يعنى انت ما حبتش واحدة محترمة و طلعت خاينة … انت من الاول عارف دول ايه

ثانيا هم شرشرشرشر … و انت ايه؟ ملاك؟ شريف؟ عفيف؟ انت فضحتهم و كأنهم مذنبين و انت برئ بس انت زيهم بالظبط

ثالثا داين تدان و انت تعديت على حرمة راجل غايب … مش عذر انك تقول انهم متعودين و انهم بيعملوا كدة .. انت دلوقتى باى حق و باى وش بتطالب انك تتجوز واحدة و تطلع محترمة و انت اصلا ما احترمتش نفسك؟

رابعا انت طول ما انت ماشى فى شوارع ضلمة و بتقلب فى صفايح الزبالة هتعيش زى قطط الشوارع و تاكل فضلات .. عايز يبقى لك بيت و عيشة نظيفة لازم انت الاول تنظف نفسك و حياتك و تصرفاتك علشان تقابل البنات النضيفة …. و انا مش قصدى بالبنت النضيفة واحدة عذراء .. انا قصدى واحدة امينة و مش كدابه … و افتكر ان كل اللى انت نمت معاهم دول كانوا عذروات ليلة فرحهم

Bookmark and Share

Facebook comments: