مشمشة عايزة الناس تحبها بدل ما هى على طول استبن

Date posted: November 10, 2009


 

 

 

السلام عليكم يا مروه اولا
انا ياستى بنت ، عندى 26 سنه
ربنا خلقنى عقلى فى قلبى ، وديه اول مشكله تقريبا
كل حاجة بخدها على اعصابى وعلى مشاعرى
لما بحب ، بحب قوى و بدى اوى سواء صاحبة سواء حبيب "ده ايام ما مكان عندى صحاب و حبيب"
و للاسف دايما محطوته فى موقع الاستبن فى حياة اى حد
بصى انا مش بعرف اعبر عن الى جواية ، اتمن انك تحولى تفهمى من كلامى حاجة
اول مشكلة ابتدت مع ابن خلتى حبنى جدا كان لسه فى الكليه و انا كمان
ان كنت لسه محبتهوش ، بس حسيت بحبه و فعلا سألته و جواب انه بيحينى ان كنت محتارة لسه قلتله ناخد فترة نقرب فيها من بعض و خدنا الفترة و حصل حاجات و محتاجات و برده كنت خيفه احبه بس كنت حبه وجوده فى حياتى
المهم طلب منى اننا نسيب بعض و فعلا حصل ، بعديها بسنه و نص حاول اننا نرجع لبعض بس مرجعناش
و بعدين بعد المره ديه بسنتين كنت خلاص انا بتخرج و هو فضله ترم و كنت فى اسكندريه عندهم
فضل ورايه لما رجعنى له و فضل وراية لما خلانى حبيته و مشوفش في الدنيا غيره
و كنا متفقين على السفر امريكا لخالى
ده كان حلم كل واحد فينا قبل ميكون مبينا حاجة
المهم بعد متخرج ابتدى يتغير ابتديت احس انه مش عاوز ارطبات بسبب انه مش عارف لسه الدنيا فيها اه و بالزات لما يسافر
طب هو مكنش عارف كده من الاول ، قبل ميخلينى احبه
ولا كل الحكاية انى كان بسلى نفسه اخر ترم او قال لنفسه اهى موجوده لو مسفرتش ، و لو سافرت يبقى كل واحد يروح لحاله
و طلب منى تانى نسيب بعض
و مرة الايام و سافر بس كان كل 6 شهور اكتر يبعتلى اميل كده فيه كلام مستغتى انه لسه جواه حاجه و انا مكنتش برد علشان مرجعش اتالم تانى و مرة سنتين تقريبا و فى اخر مرة بعتلى انا رديت لانى كنت تعبت من غيره ومن الوحده
و اتفق ان نازل اجازه و عاوز يتكلم معايا و بيلمح على مشاعر كل واحد فينا الى لسه المفروض موجوده
و نزلو عدى اسبوع و متكلمش و بعدين انا بعتله ايميل و نكشته لما وصلنا انه كلمنى فى التليفون و تقريبا رجعنه لبعض وكان نفسه يشوفنى كدن و الكلام ده كله و انا اتفقت معاه فى المكلمه ديه يا نرتبط بقى يأله كل واحد فينا فى سكه و للابد
كان فاضل 10 ايام على الاجازة و تخلص كان ممكن حتى يكلم فيها ولدى بس من غيراى حاجة مجرد يقله انه عاوز يتأدملى بس لما يخلص الماجستير
وفضل يقول اصله مهنج مش عارف يفكر قلتله برحتك خد وقتك حبه و بقى يقول اصل احنا افترقنى سنتين و ده عمل نوع من الجفه و ان احنا مختلفيين ، انا انسانه عاطفية و هو انسان عملى الى اخره لحد فى الاخر قال انه معدش بيحبنى زى زمان و ان مفيش كميه مبينا
حاجة تجنن طب كنت بتحاول معايا ليه
و انتهت الحكايه
و بقيت عيشه فى وحده و معنديش اصحاب ولا انسان احبه و يحبنى
و مش عارفه اعمل اه
الجواز مفيش حد ، الاصحاب برده مفيش و لو فيه انا الى بهتم و بدى على اد مقدر
بس الترف التانى لا

اعمل اه قوليلى انا كل الى نفسى فيه اتحب و احب ، يبقى حوليه ناس احبهم و يحبونى مبقاش مجرد استبن فى حياتهم وقت ميحتاجونى يلقونى و وقت مش محتجنى اترمى على الرف محدش يسأل فيه و ولا يحس بيه

———————–

 
انا مش هطول عليكى يا مشمشة
 فى مثل بيقول ان الطريقة اللى بتعامل بيها نفسك بتقول للناس ايه الطريقى اللى يعاملوك بيها
 
و انت كل شكوتك من معاملة الناس ليكى
بس الناس بيعاملوكى بنفس الطريقة اللى بتعاملى نفسك بيها
 
انت بتعاملى نفسك باهمال و لا مبالاه و عدم اعتناء فهما بيعملوا زيك
انت فضلتى راكنة نفسك استبن لقريبك فهو اتعامل معاكى على انك استبن
 
لو عايزة الناس تغير معاملتها ليكى انت لازم تغيرى معاملتك لنفسك
 
Bookmark and Share