هااااى إزيك يا مروه أنا شفتك كتير فى برامج ومعجبه بيكى جدااااااا وفكرت إنى ابعتلك حكايتى أنا فى سنه تانيه كلية و رومانسيه اخر حاجه ولكن انا حاطه قاعده ليا من اللى باسمعه من خيانه ولعب الولاد بالبنات يعنى اختار الاول بقلبى وعقلى سوا وبعدين اطلع عقلى من الحكايه خالص المهم بما إنى من الصعيد
دا معناه إن فى خطوط حمرا كتيييره جدا يعنى الحب عندنا نظرات مش اكتر اعجبت باشخاص على مدار حياتى لكن عمر الحكايه ما إتعدت النظرات
اخر حكايه ليا أنا فيها من حوالى 9شهور هو معيد إدانى السنه اللى فاتت وأعجبت بيه جدا لأنه كان بسيط وكان كويس جدا ومع كل الصفات دى وحاجات تانيه كتيره طببعا بنات كتيره كان نفسها تبقى نصه التانى يعنى حتى اخيب البنات بقوا سبحان الله شطار جدا ومهتمين بالماده وبيقعدو كمان قدام عشان يركزوا أما انا مع كل اعجابى بيه ما كنتش حتى بابص عليه وهو بيشرح كنت اخاف يحس بلى فى قلبى وانا معرفش هو بيفكر ازاى كنت اخاف يفتكرنى برمى نفسى عليه زى معظم السيكشن واكون ساعتها جرحت كرامتى بايدى لما يطنشنى
لكن مع الايام حسيت انه بيبصلى بنظرات مختلفه كنت برضه باكدب نفسى لغايه ماخلصت السنه اللى فاتت وفى اللجازه بجد ماغابش يوم عن بالى وكنت بادعى انه يدينى تانى وبالفعل ادانى اول سيكشن بس وانا ليا مكان دايما باقعد فيه اول ما دخل بص على مكانى ودور عليا بعنيه
تانى سيكشن بقى صعقت لما عرفت انه مش هايدينى وكان هو بيشرح فى نفس الوقت فى المدرج التانى وكان زى ما يكون بيتلكك عشان يدخل عندنا يجيب حاجه مثلا وكان اول مايدخل يبص على مكانى ولما ماكنش فيه يدور برضه عليا بعنيه
المهم أنى انا عامله كنترول شويه على نفسى لانى باخاف اعمل حاجه اندم عليها لانى لوندمت على تصرف دماغى بتنفجر من التفكير وبتبقى حالتى حاله واحيانا باقول طيب ماهو ممكن
يزهق مش كده؟
ارجوكى لما تقرى كلامى تبعتيلى إيميل تردى عليا فيه بلييييييييييز
بحبك وبحب دماغك جدااااااااا ربنا يخليكى للبنات
—————
