fbpx
مونتيسوري مصر- تقدمها مروة رخا

 

 

ازيك ياميرو انا كنت بعتلك قبل كده مشكلتى ان كان زميلى اختى معجب بيه وانا متديوش فرصه انه يقولى حاجه عشان مكنتش عايزه ارتبط او اعمل اى علاقه بس كنت معجبه بيه وبعدين هو فقد الامل فيه وكلم بنات وكلم واحده كانت عرفينى ووقعت ما بينى وبينه قالتله انى بغلط فيه وجت قالتلى نفس الكلام واختى ادخلت وقالتله متكلمهاش تانى عليا يعنى وبعد كده كلمته اما عرفت ان البنت دى كدابه واتكلمنا شويه وقالى ان حاجات كتير انكسرت جواه من نحيتى وانه محتاجه فتره وبعد كده اتكلم معايا فى حاجات عيب واقطعت معاه وبعدين اعتذرلى واتكلمنا تانى وقالى انه بيحبنى بس مكنش بيكلمنى انه ارتباط يعنى كل فين وفين يكلمنى وبعتلك وقولتلى اتكلمى معاه بصراحه واعرف هو عايز ايه بالضبط وكلمته وقالى انا عارف انك بتحبينى وانا بحبك بس محتاجين فتره وكل فين وفين برضه ع بال ما نتكلم انا مش عارفه انساه اول واحد كلمته واتعاملت معاه واعجبت بيه شويه يكلمنى ان احنا اصحاب عادى وشويه يحب فيه
اخر ما قرفت قولتله ان جايلى عريس وهتخطب قريب وباخد رايه فى الاول نصحنى عادى وبعدين قالى هو انا مش هعرف اكلمك بعد كده قولتله اه طبعا المهم قالى انا بحبك وعارف انك بتحبينى بس مش هقدر اتقدملك دلوقتى هو لسه مبيشتغل ولسه هيعمل مشروع الفتره اللى جايه دى بس قال انه ميعرفش ظروفه هتبقى ايه مقدرش اوعدك بحاجه ومبقاش قدها بس بتمنى ليكى السعاده قولتله االلى بيحب بيعمل المستحيل عشان اللى بيحبه
وقولتله لو قولتلى استناك هستناك بس هو قالى انا عايزك سعيده ويمكن سعادتك تبقى مع غيرى وانا مش عايز اظلمك عشان اللى بيحب حد بيبقى عايزه مبسوط ويابخت من بكينى ولا ضحك الناس عليا والحوارات دى قولتله يعنى ايه رايك اوافق ولا لا قالى اللى تشوفيه انتى هو فعلا بيقولى كده عشان بيحبنى هو فى حبك كده فعلا انه يضحى بيه عادى كده ع فكره يامروه انا مشكلتى اللى كتبتهالك قبل كده كان رقمها 32 او 36 مش فاكره بالضبط بس ياريت تقري اللى فاتت عشان تفتكرى الموضوع من اوله معلش يامروه انا طولت عليكى بس صدقينى انا محتاره اوى ومش قادره انساه هو اول شخص فى حياتى انت فى ردك عليا الاولانى قولتلى اللبن اما بيتعكر مبيرجعش تانى بس انا بحبه

———————- 

ايوة يا حبيبتى .. هو بيحبك نص نص .. زى اللى بياكل طفاسة … انت بقى لازم تحطى عقلك فى راسك علشان تعرفى خلاصك
ما تضحكيش على نفسك اكتر من كدة .. و هو بيقول لك كلام افلام و اغانى و عايش الدور و انت موهومة و بتغنى على غناه … شوفى مصلحتك فين

 

من هي مروة رخا؟
مروة رخا: موجهة مونتيسوري معتمدة دولياً من الميلاد حتى 12 عام. Marwa Rakha: Internationally certified Montessori educator from birth to 12 years.

بدأت “مروة رخا” رحلتها مع “نهج وفلسفة المونتيسوري” في نهاية عام 2011 بقراءة كتب “د. ماريا مونتيسوري” عن الطفل والبيئة الغنية التي يحتاجها لينمو ويزدهر. تلت القراءة الحرة دراسة متعمقة للفلسفة والمنهج مع مركز أمريكا الشمالية للمونتيسوري

“North American Montessori Center”