البنت اللى اتخرجت و مش بتشتغل و مش بتخرج هتتجوز ازاى؟

Date posted: November 3, 2009


 

 

 

انا فتاة عمرى 24سنة خريجة احدى كليات القمة من جامعة القاهرة اتخرجت من3 سنين ونص بس للاسف ماشتغلتش لان مجال شغلى بيتطلب انى اكون فى القاهرة او الاقصر … ونسيت اقولك انى من اسيوط وعموما الصعيد مفهوش مجال شغل لا للبنات ولا الولاد المهم انى ماشتغلتش وقاعدة فى البيت من ساعة ماتخرجت وطبعا الخروج قليل جدا لان المركز اللى انا عايشة فيه مفهوش اى مكان للترفيه وكمان مليش غير صاحبة واحدة كانت معايا فى القاهرة خريجة اعلام وبرضو مش بتشتغل بس هيا مخطوبة يعنى مش فاضيالى وقريب هتتجوزيعنى هتبقى زيارتها ليا محدودة وكمان مش منطقى انى ازورها دايما بعد الجواز مشكلتى اللى انا ببعتلك بخصوصها هو انى لحد دلوقتى مفيش حد اتقدملى عشان يخطبنى بمعنى انى مفيش حد شافنى وعجبته وجالنا بعد كدة البيت لكن الكام شخص اللى جولى وهما حوالى3او 4 كان حد هو اللى جايبهولى لكن الغريب انى الاشخاص دول بعد مايكون فى موضوع وخلاص هيجوا عشان العيلتين يتعرفوا الموضوع بيتحول بطريقة غريبة الى سراب ومبرجعش اسمع عن الشخص دة تانى ولا اعرف هو راح فين ولا ايه اللى حصل مخلهوش يجى والغريب انى انا الحمد لله امورة وشكلى ولبسى كويس واهلى ناس محترمين اوى ومتعلميت وكل اخواتى فى كليات قمة يعنى الحمدلله ربنا مدينى كل الحاجات اللى تخلى اى حد يتقدملى مش هقولك يامروة انى مفيش حد بيعجب بيا بالعكس انا الحمد لله مفيش مكان بروحه الا واكون محط اعجاب كل الناس البنات والاولادبس كلها نظرات على شوية كلام حلو وناس بتكون عايزة تاخد رقم تليفونى عشان تتعرف عليا بس دة اخرهم معايا وكل واحد بيروح فى طريقة يعنى الاعجاب مش بيتطور الى انو بيجى يتقدملى فى البيت

وده خلانى احس انى للبص بس شكل حلو هو بيبص عليه وخلاص ودى حاجة مزعلانى على نفس اكتر وبتخليى افضل قاعدة فى البيت شهر او اكتر من غير ماشوف حد انانفسى تقوليلى ايه اللى بيحصل معيا دة واتصرف فى الحاجة دى ازاى والمصيبة الاكبر البيت عندى مسمينى العانس وانى مفيش حد بيتقدملى وانى مش هتجوز خصوصا انى انا الوحيدة اللى فى العيلة اللى لا اتخطبت ولا اتجوزت انا مش عارفة اتعامل معاهم ازاى فى المضوع دة بالذات وخصوصا انى شايفة انى الحمد لله انى احسن من كل اللى بيقارنوننى بيهم اللى اتجوزوا قبلى فى الشكل والتعليموالتفكير وبحاول اقولهم انى لسه صغيرة واى الحمد لله مش ناقصنى حاجة بس مفيش قايدة وبقول يمكن محدش بيتقدملى لانى مش بشتغل ولا ليا اصحاب كتير ولا اعرف حد فى بلدى غير اقاربي وعلاقتى الاجتماعية محدودة جدا لاننا كنا عايشين برة مصر فترة مش عارفة يمكن يكون دة السبب ولو دة السبب اتغلب عليه ازاى مش عشان الجواز بس لكن عشان نفسى والفراغ والوحدة اللى انا عايشها فيهم انا عارفة انى طولت عليكى يامروة لكن التمسيلى العذر لانى فعلا مش لاقيه حد يسمعنى ويفهمنى واكون واثقة فى رايه ارجوكى لا تهملى رسالتى

——————

اهلا يا مشمشة

انت مشكلتك مقسومة نصين
نص فى الفراغ
و نص فى الارتباط

علشان نحل موضوع الفراغ … انت محتاجة هوايات و انشطة اجتماعية … ندوات … صالونات ثقافية … عمل تطوعى مع الايتام او ذوى الاحتياجات الخاصة … تنظيم ليالى شعر او سمر او شئ من هذا القبيل

موضوع الارتباط بقى
دا نصيب و مالوش دعوة بالشكل و الظروف و الكلام دا .. كله باوانه
و يمكن لما تحلى المشكلة الاولى المشكلة التانية تتحل

Bookmark and Share