fbpx
مونتيسوري مصر- تقدمها مروة رخا

بجد يا بنات مش كدة .. انا هنا اتكلمت بالنيابة عن الولاد

 

 

بجد يا بنات مش كدة

انا هنا اتكلمت بالنيابة عن الولاد .. ممكن اعرف تعليقاتكم ايه

—————————-

هاي يا مروه عمله ايه أنا عندي مشكله و حاسه أني تعبت من كتر التفكير انا بحب واحد أوي و هو بيحبني و هو كويس في كل حاجه و عجبني مستقبله كويس و أبن ناس و كل الكلام الكتير ده المشكله أن هو هيعتمد علي نفسه في كل حاجه و أهله مش هيساعدوه
 
ماشي هو راجل عشان هيعتمد علي نفسه بس هو مبقلوش غير سنه بس شغال ماشي بيشتغل في مكان كويس جدا و مستقبله أنشاء الله كويس بس لسه قدامه 3 سنين عشان يجيب الشقه و عشان يجبها لازم هيخد قرض من البنك يعني هنبدأ حياتنا بقروض و ديون و دي حاجه قلق و طبعا معني كده أن الخطوبه هتبقي3 سنين و أحتمال كمان تبقي 4 مهو اصلها مش هتتفريش في يومين
 
انا اهلي مستحيل يوفقوا علي الكلام ده لان مفيش ولا بنت في العائله أعدت أكتر من سنه و نص و لو هما صبروا عليه مش هيبقي أكتر من سنتين
 
انا بحبه و مرتاحه معه بس الحاجات دي مضيقاني و معكننه عليا و عامله أسال نفسي لو رضيت بكده صح ولا غلط و هو هيقدر حاجه زي كده طيب انا هكون مبسوطه بالحياه دي من ناحيه تانيه أنا كنت في فرح قريب و أتقدملي ناس طبعا كلهم جاهزين و الكلام ده بس انا برضه مش هكون مبسوطه انا لا كده مبسوطه و لا كده مش عارفه أعمل ايه ساعات بقول لنفسي خلينا كده من غير كل الدوشه دي أو أي أرتبطات و البهدله و الخناقات الكتير ال انا متوقعها مع أهلي الزمن ده أنا مبقتش عارفه ايه البينجح أتجوز واحد بحبه بس هبقي أقل واحده في الحوليا و مكدبش عليكي مش هكون مبسوطه و لا أتجوز الجاهز علي طول و برضه مش هكون مبسوطه لأني مش بحبه انا مبسوطه مع اللى بحبه هو بيفهمني و كل حاجه أنا عايزها في الهكمل معاه حياتي بس مش الحب بس اللي هيخلينا نفتح بيت
 
———————————————-
 
اقرى المقال دا من شاب زى الولد دا و انت تعرفى انا عايزة اقول لك ايه

 

http://li-log.blogspot.com/2009/10/blog-post.html 

————————————————————
 
أزيك يا مروه أحب اقولك أني عملت بالنصيحه و قلت أكمل معه هو برضه بيحبني و أكيد هنقف جني بعد هو يستحملني شويه و أنا أستحمله شويه و الدنيا تمشي و أكيد عشان بنحب بعد هنبقي سعداء المهم قبل طبعا ما أقراءه الرد بتاعك حاصل بني و بينه كام مشكله بسبب موضوع أنه هيقعد وقت كبير كل الموضوع أنا اقترحت كام أقتراح عشان نقلل المده أو عشان يجي لأهلي يبقه شكله معقول و ميترفضيش و يحسه أنه بني أدام جاد غلطنه أنا ألمهم حصلت مشاكل و أعدنه 3 أيام مش بنتكلم تقريبا هو كا بيتكلم بس قليل أوي بس أنا كنت برد برخامه و بعدين فتحنا الموضوع و بدأنا نتكلم طبعا كان مغلطني في كل حاجه أني مش بهتم و أني أعد 3 أيام مش فرق معاياو أني مش فرق معايا غير منظري قدام الناس طيب و ماله لو أنا عايزه حاجه كويسه هو ده عيب كمان ما أمكانياته هي الهتحسم مهما أقول أنا نفسي يحصل أيه و بعدين قالي أنت بتكبري الموضيع من حاجات هايفه أنا معنديش أستعداد أقعد أدادي في حاجات هبله لو أنت هتضيعي حبنا في المشاكل دي فكري أختاري فقلت أختار أيه قالي بين النكد ده أنا بقالي أسبوعين في النكد ده و أنا مليش في جو النكد ده أنا قلتلك قبل كده ايه الناوي أعمله مش كل يومين تفتحي الموضوع و يقلب نكد كده يعني هو مش عايز يفتح الموضوع عموما غير لما يجي ل لأاهلي يعني أنا مش من حقي أخطط لحياتي و لا كده أكون نكديه و بدي الامور أكبر من حجمها الجديد بقه المفروض أننا أتصلحنا متغير خالص حاسه انه مبقاش يحبني
فين الكان عايز يشوفني علطول حتي لو تعبان و فين الكان علي طول بيسأل و يتكلم متغير خالص و لما قلتله قالي أنا هخد وقت و هرجع كويس بس هي مسألت وقت أنا ألايام الفاتت كانت نفسيتي زي الزفت بسبب المشاكل دي أنا مش مصدقه عارفه لما تحسي في حاجه أتكسرت ضاعت أنطافت متعرفيش احنا بقالنا كده 4 أيام بس أنا مش قدره أستحمل كده حاسه أنه واحد معرفوش و مش عارف حاسه اننا مش هنكمل أخد أنا القرار و اقوله نسيب بعد و حافظ علي الباقي من كرامتي مع العلم أنه كان مرتبط قبل كده كذه مره أنا مبقولش أنه محبنيش بس الفكره أنه زهق مل لما بأءه في خناقات و نكد مستحملش فندم أنت أيه رأيك
 
—————————————————
 
مشمشة انت محسساه انه مشروع عريس .. كل كلامك معاه عن الموضوع دا و عن مشكلة امكانياته و عن مشكلة ظروفه و عن مشكلة التأخير

 

الولد اتخنق

——————————————
 
كل ده مشروع عريس بس لو هو كده فعلا يبقي مشروع فاشل انا نفسي أكمل معاه حياتي بس قلقانه أوي عشان الطريق طويل و مش ساهل و هيبقي مليان مشاكل و لازم أحنا ألاتنين نكون أدها
——————————
 
الطريق طويل ايوة
بس ما ينفعش كل شوية "تعايريه" بطول الطريق و تعب الطريق و الطرق التانية اللى كانت قدامك
—————————-
 
هو قالي تقريبا نفس الي أنت قلتيه دلوقتي قالي أنا خايف تيجي تقوللي بعد كده أنا ضحيت بفرص كتير و حاجات أحسن وده مخوفني مش واثق منك بتقولي بحبك بس مش حاسس بأمان طيب ما أنا أعمل أيه و الله ما عرفه أعمل أيه يا جماعه أنا كمان هيبقي عليه ضغط كبير من أهلي و لو حاصل أي حاجه هيقولوي أشربي أنت الي أخترتي ليه محدش حاسس و فاهمني أنانيه معلش أنا كان هو هيضغط عليه في الشقه و الكلام ده لو سيبني تاني يوم عادي هيتجوز أي و احده تانيه و فنفس الشقه دي لكن أنا أهلي هيقولي شوفتي أختيارك شوفتي عاملتي أيه في نفسك يامروه ده أنا قللتله أن عمري ما هتجوز حد غيروا و هو بيقولي لا كلامك ده حاجه و الحاصل قبل كده حاجه أنا خايف و مش حاسس بأمان يعني عشان أتنقشت في مستقبلي أبقي أجرمت هو ده مش من حقي يا مروه
——————————-
هقولها لك تانى
لو انت عايزة تتجوزى و خلاص … لو انت عايزة عريس لطيف و ظريف و جاهز .. يبقى الولد دا مش مناسب

 

لو انت بتحبيه … و فاهمة يعنى ايه حب … و مش شايفة نفسك متجوزة حد غيره يبقى الكلام اللى انت بتقوليه دا مالهوش معنى

من حقك انك تتأكدى من نيته و من حقك انك تتأكدى من انه بيبذل كل ما فى وسعه علشان تتجوزا لكن مش من حقك انك تطلعى عينه و تحسسيه انك عاملة فيه جميلة انك واخداه على فقره و ظروفه المنيلة

من هي مروة رخا؟
مروة رخا: موجهة مونتيسوري معتمدة دولياً من الميلاد حتى 12 عام. Marwa Rakha: Internationally certified Montessori educator from birth to 12 years.

بدأت “مروة رخا” رحلتها مع “نهج وفلسفة المونتيسوري” في نهاية عام 2011 بقراءة كتب “د. ماريا مونتيسوري” عن الطفل والبيئة الغنية التي يحتاجها لينمو ويزدهر. تلت القراءة الحرة دراسة متعمقة للفلسفة والمنهج مع مركز أمريكا الشمالية للمونتيسوري

“North American Montessori Center”