رأيكم انتم ايه؟

Date posted: September 25, 2009


 

 

انا معجبه جدا جدا جدا بيكى واتمنالك الخير زى يللى بتعمليه فبينا يا حبيبتى انا مش حطول عليكي بس ارجو انك كمان ما اطوليش عليا بردك المهم انا بدرس طب بشرى بلسنه 4 بس اول ما دخلت تعرفت بشاب كويس والكل بيحترموه وبقينا اصدقاء بس بعدها حبينا بعض وعلى فكره هو حلو وغنى وفدراسته كويس جدا وانا بابا عنده منصب قوي ونفود بس عمرى ما حسسته بكده والله العظيم انا مش حشكر فى نفسي انا حلوه ومن عيله معروفه لحد كده قصتى عادى وبقينا انحب بعض زى الناس وكل يوم بيقول انا محظوظ بيكى وانك بنت عيله وجميله ومحترمه بس ما عرفش ايه حصل خلاه يعاملنى زفت ومش عايزنى اكلم حتى زميل والا حتقوم الدنيا و ابتدي ايقولي ايه الانحلال ده وفسادك وبعدها انتي ليه شكلك كده النهار ده ومش حلوه واصفر يعنى احباط كامل فانا قلتلو لو مش عايزنى خلاص شوف حالك وفعلا انفصلنا بس رجع وحلف انه تاب وبعدين يقول انتى لو بتحبيني اعميليلي وروحي معايا المزرعه وفهمتو ان انا مش كده بعدها غاب وكل ما تصل ما يردش وبعت مسج انا ليه انو انا فهمت انه حيسيبني وانا خلاص حنساك لو انت شايف كده بس ولا عبرني المهم احنا علاقتنا استمرت 3 سنين عايزه افهم هل هو حبنى او لا خصوصا بعد العشره دي وكان بيقول الفاظ استحى فعلا ان لقولهالك يعنى لنا كرامتى انداس عليها ولو رجعلى اقولو ايه ورد يردلى كرامتى واخليه يندم

———————- 

انا بصراحة محتارة

مش عارفة هل هو عمره ما حبك و لا حبك و الحب مات بس هو نهى الموضوع بسخافة .. و
لا كان بيحبك و انت طفشتيه … انا مش عارفة .. لكن كل اللى انا عارفاه و
متأكدة منه ان الموضوع خلص و ان المعاملة دى و الالفاظ دى ما كانت تصح و انت
بقى اقلبى الصفحة و حاولى تحللى اخطائك .. اخطائك فى الاختيار و لا اخطائك فى
اخطاء فى التعامل علشان ما يتكررش نفس الموقف تانى

 

Bookmark and Share