fbpx
مونتيسوري مصر- تقدمها مروة رخا

رد صوتى: وراء كل رجل قادر امرأة بتستحمل فجره

 

انا مرتبطة بولد وعيشنا قصة حب حلوة اوى و عانينا جدا لحد ما اتخطابنا وعانينا خاصة من الاهالى,لانة لسة مش كون نفسة, و بعض الخطوبة عرفت انة على علاقة ببنت معاة فى الكلية,اول لما واجهتة نكر انة يعرفها و عرفت انة قطع علاقتة بيها,بعد حوالى سنة قابلها و رجعوا يتكلموا تانى و قالها كل حاجة عنى و انة بيحبنى و رغم كدة طلبت منة انهم يرتبطوا و فعلا ارتبط بيها,و بدا يتغير معايا و يهملنى بطريقة ملحوظة جدا لانة كان معودنى على الاهتمام بنوع كبير ,

طبعا انا كنت حاسة و كنا بنتعارك كتير جدا و دايما اقول لة انى حاسة انة متغير و انة على علاقة ببنت تانية بمعنى اصح اتصرفت بغباء ,وكان دايما يروح يحكى لاهلى و اهلة و اطلع انا اللى غلطانة و انى شكاكة,لحد ما وصلت العلاقة لمرحلة وحشة جدا و شوفت فى موبيلة رسالة من بنت و اتعاركنا و كلمها قالها انتى مين و انا معرفكيش و عمل تمثلية معاها على انة مش يعرفها,

طبعا انا كنت حفظت الرقم و توقعت انها هى الاصحابى قالولى عليها و استنيت كام يوم و اتصلت بيها و طلع تخمينى صح,و اتكلمت معاها و قالتلى انها هى اللى بتكلمة و انة بيصودها و انا عشان غبية صدقتها و اكتفيت انى اغيرلة رقمة و اهلة اقنعونى ان دى موضوع طبيعى و انى لازم اكبر راسى و انا تخيلت ان الموضوع انتهى لحد هنا,بعدها طبعا كان شخص غير اللى انا عرفتة,

ودايما بيتهرب منى بحجج مقنعة جدا انة مش معاة فلوس و مرة ان صاحبة رجع من السفر و لازم يكون معة, حاجات كدة كتير و انا كنت بزعل و يصالحنى و خلاص,بعد موضوع الرسالة باربعة شهور كان بيكلمنى وكان عايز يخلص بسرعة بس كان عامل حركة حلوة اوى و انا كنت مبسوطة اوى فقولت اكلموة علشان اشكرة فلقيتة واتينج كتير اوى و بعد كدة اتصلت فرد عليا بطريقة وحشة اوى كانة واحد غير اللى كان مكلمنى من شوية,

و اتعصب عليا و قالى انتى بتزنى لية كدة ,قولتلة انت متعصب لية كدة قالى علشان كنت بكلم واحد صاحبى فى حاجة مهمة,قولتلة خلاص لما تخلص كلمنى قالى طيب,حاسيت انة بيكلمها فرنيت عليها من رقم غريب لقيتها واتينج و رنيت علية لقيتة واتينج و الاتنين خلصوا فى نفس الوقت,اتعاركنا وقولتلوا انت بتكلمها فجاة لقيتة بيقولى احنا مش ننفع لبعض انهرت غظب عنى و لقيت نفسى بتحايل علية انة مش يسبنى فضل مصمم على ان خلاص,انا طبعا قولتلوا خلاص و سيبنا بعض ,

بعدها بكام يوم كلمنى و اعتذرلى و قالى انة عمل كدة علشان انا شكيت انة بيكلم بنت و فى الاخر اتصالحنا,حصلت حاجات كتير اخرها كانت هدية جيالة بحوالى الف جنية, طبعا عرفت من برة و سيبتة ,عمل كل الحاجات علشان يسبتلى انها حاجات واحد صاحبة و رجعتلة بفضل الاهالى,ابتديت القية واتنج بالليل بس اول ما يلقينى بتصل يقفل غلى طول معاها قبل ما ارن عليها كبرت دماغى خالص لحد ما كل حاجة بانت من عند ربنا,و البنت كلمتنى علشان تشوفنى واتنج و لا لا,

طبعا فهمت انة قالها ان احنا سابنا بعض,المهم فى الاخر انا و هيا اتفقنا ان نتقابل من غير ما يعرف و اتقابلنا و اتصدمت لاسباب كتيرة اول حاجة لانة بيتعامل معاها كانها انا,و بيوديها الاماكن اللى انا بحبها حتى الرسايل اللى بيبعتهالى بيبعتهلها و فى نفس الوقت,و بيعمل معاها كل الحاجات اللى انا بحبها,الصدمة الاكبر انها مش حلوة خالص غير ما توقعت و اقل من ما توقعت كمان,

و اتفقت معايا ان احنا الاتنين نقطع معاة و انا صدقتها طبعا علشان انا هبلة,و عبال ما حاكيت لمامتة كانت البنت كلمتة و قالتلة انها قبلتنى وانى غلط فية و شتامتة و شتامت اهلة وانا مش محترمة و انها كمان مسمحاة علشان انة كذب عليها و مش قالها انة راجعلى تانى,و بعديها اختفيت من حياتة خالص و مامتة بقيت تكلمنى علشانة و انا رفضت تماما و بعدين مامتة كلمتنى و قالتلى انها عايزة تشوفنى علشان تورينى حاجة مهمة,فشوفتها فورتنى ان البنت بعتالها رسايل علشان ترضى عليها فانا اللى فهمتة انة علشان يخلع من البنت قالها ان مامتة مش موافقة عليها,

هو بقى طول مانا مع مامتة عمال يتصل علشان يكلمنى و انا مش راضية المهم انى فى الاخر راضيت و حاول يقنعنى انى كنت قاسية علية و ظلمتة كتير و انة كان بيتخيلها انا,و كلمها و انا سمعة و نهى معاها كل حاجة و خلانى ابعتلها رسالة انى رجعتلة,انا بقيت بشك على طول و عايزة اتاكد انة مش حيعمل كدة تانى و مش عارفة اعمل اية,طول الوقت بفكر فية و فيها مش عارفة اشلها ازاى من دماغى, الاربعة و عشرين ساعة حتى فى احلامى,ارجع اثق فية ازاى ؟ و اتعامل معاة تانى ازاى؟و انسى البنت دى ازاى؟ محتاجة اوى مساعديتك

اضغط على شريط الاستماع لمعرفة ردى

[flashaudio http://www.marwarakha.com/videos/Problem 158.mp3]

 

من هي مروة رخا؟
مروة رخا: موجهة مونتيسوري معتمدة دولياً من الميلاد حتى 12 عام. Marwa Rakha: Internationally certified Montessori educator from birth to 12 years.

بدأت “مروة رخا” رحلتها مع “نهج وفلسفة المونتيسوري” في نهاية عام 2011 بقراءة كتب “د. ماريا مونتيسوري” عن الطفل والبيئة الغنية التي يحتاجها لينمو ويزدهر. تلت القراءة الحرة دراسة متعمقة للفلسفة والمنهج مع مركز أمريكا الشمالية للمونتيسوري

“North American Montessori Center”