fbpx
مونتيسوري مصر- تقدمها مروة رخا

رد صوتي: أهله مش موافقين وانا لسة بحبه

اولا ازيك انا حكاية طويله شويه انا عندى دلوقتى 22 سنه

كنت عايشه حياتى فى السعوديه بلد متدينه ومفهاش حب وعندى مشكله ان عمامى ناس ماضيهم وحش وكاى بنت لما يجى ليها عريس يمشى من السبب ده

والمهم دخلت الجامعه هنا وكنت اعرف  واحد جارنا  وهو اكبر منى بسنتين وكنت بحبه جدا بس مش كان بنا كلام وهو كان يبان عليه ان فى حاجه وبعد سنتين جه وقالى انه بيحبنى ومن زمان بس مش كان عارف يقول ليه واستمرت العلاقه بنا وطبعا كان بنا مشاكل بسبب بنات كان يعرفهم واستحملت لحد ماخلص واشتغل

وفجاءه لقيت المعامله بتاعته اتغيرت معايه ولما سالته فى ايه قالى مفيش انا مضايق شويه ولما غصبت عليه

قالى ان اهله مش موافقين بسسب عمامى ومقدرتش اقول غير انك لو انت الى عايزنى كنت حاولت علشانى قالى والله بقالى سنه بحاول معاهم وهما مش موافقين وسبنا بعض بس تعبت بعدها وحاولت ابين ان مفيش حاجه وانى قادره اعيش من غيره

بس انا بجد بموت من البعد عنه وبعد شهرين لقيته بيتصل بيه ولما سالته عايزا ايه قالى انى كنت حابب اسمع صوتك وان دى حاجه مش بايدى ورجعنا نكلم بعض بس كاصحاب وكنت بحاول انه مش يلاحظ انى لسه بحبه وبعدين حصلت مشاكل تانيه خلتنا بطلنا نتكلم مع بعض والايام ديه كلمنى وقالى انه هيخطب وطبعا لانى عندى كرامه بينت ليه انى مش فارق معايه وصدقينى يامروه انا لو قلت ليكى انى بموت ومش عايزا ابين لاى حد انى زعلانه وحاولت افهمه انى لسه بحبه قبل مايقلى كده بس مش عارفه هل كنت مخدوعه فيه قررت اعيش على الحب ده لانى مش قادره احب حد تانى وحاولت مقدرتش ونفسى تقوليلى اعمل ايه

 

 

 

من هي مروة رخا؟
مروة رخا: موجهة مونتيسوري معتمدة دولياً من الميلاد حتى 12 عام. Marwa Rakha: Internationally certified Montessori educator from birth to 12 years.

بدأت “مروة رخا” رحلتها مع “نهج وفلسفة المونتيسوري” في نهاية عام 2011 بقراءة كتب “د. ماريا مونتيسوري” عن الطفل والبيئة الغنية التي يحتاجها لينمو ويزدهر. تلت القراءة الحرة دراسة متعمقة للفلسفة والمنهج مع مركز أمريكا الشمالية للمونتيسوري

“North American Montessori Center”