رد صوتى: الراجل لما يقول احنا أصدقاء

Date posted: June 11, 2009


 

هاي..بصي يا مروة الموضوع طويل اوي هحاول على قد مقدر اوصلهولك باختصار..

انا في حد في حياتي بئالنا 4 سنين مشفناش بعض الا في السنة الرابعة كنا مع بعض في المدرسة وبعدنا فترة وبعد كدا رجعنا وانا اللي بدات بالكلام وقلنا اننا اصحاب اتكلمنا عادي بعد فترمش كبيرة حسيت في حاجة من ناحيتي مدتش نفسي فرصة اتاكد من الشعور ده وقلتله

فقالي انا بحبك بس مقدرش اقول حاجة الا وانا متاكد منها وكمان انا حبيت كذا مرة قبلك فمش عارف احكم فقلتله خلاص ماشي مفيش حاجة بالعافية ومحدش بيطلب الحب وخلاص على كدا فبعدها قالي هنتكلم ازاي دلوقتي قوليلي اللي يريحك وانا هعمله

فقلتله احنا اصحاب قالي اوكى فاتكلمنا على الاساس ده وفي اول فترة اتكلمنا فيها كان رافض نشوف بعض معرفش ليه قالي نتقابل في كلية زيها زي برا  فكبرت بردو..المهم كان في مشاكل مع حد من عيلتي كان بيحبني وعاوز يكلمني وبيبعتلي مسج فقلتله قالي لازم توقفيه عند حدو وكلام كدا

وكان في حاجات تانية حصلت اللي هو يتكلم في ساعتها بس بعد كدا ولا يسال ولا كان في حاجة حصلت وهو تقريبا من النوع المغرور اووي قبل كدا جه الكلية عندي فقلتله مقلتليش ليه على اساس نشوف بعض قالي انا مش متعود قول تقارير عن اللي بعمله..اكل الفترة دي مشفناش بعض الا في السنة الرابعة عشان قلتله ان في حد متقدملي وانا متلخبطة ومش عارفة اعمل ايه

فقالي متضغطيش على نفسك في التفكير ومش كل حد هيخبط على الباب هتتجوزيه وكلام كدا في فترة كدا كان هو كويس جدااا وبيسال ومهتم وبيتكلم بطريقة حلوة اخر حاجة  فكان في كلام قبل كدا قالي احنا اصحاب ومفيش اي ارتباط ده مع نفسه كل متكلم في حاجة يفتكر اني عاوزه ارتبط بيه فبعدها بفترة طويلة جت سيرة الارتباط فبقوله انت قلت كذا كذا قالي انا مش فاكر اني قلت حاجة زي كدا فسكت قلت في حاجة ولا ايه معرفش بس مش هحرج نفسي..

بعدها قعدنا مع بعض عشان ابدا افكر في حياتي والناس اللي بتتقدملي قلت يمكن في حاجة مناحيته ومكسوف وكمان  هو في كليةعمليةو يدرسو فيها العمر كله تقريبا فقلتله احنا بنتكلم على اساس ايه

فقالي احنا اصحاب وبس وانا مش عاوز اظلمك معايا واكون واقف في طريق حد انتي شايفاه مناسب ليكي وكمان انا مش عارف لان دماغي مجروحة من البنت اللي حبتها مع العلم انه شوية يقولي اكبر منه بشهرين ومرة اكبر منه بسنتين مش عارفة ..فبيقولي احنا بدانا غلط اتكلمنا كدا رسايل وتليفونات  من ورا الكلام قلتله منا قلتلك نشوف بعض انت مردتش قالي كنت رافض على اساس اني مبقابلش بنات وانا عارف اني متغير كتير واني بضايقك واني واني بس انشاء الله ابئى كويس ده بيقولي لما بزعل وبشتكي منه..

فبعدها بيقولي انتي بتسالي ليه احنا بنتكلم على اي اساس قلتله عاوزه اعرف عشان اقدر اخد قرار في اللي بيتقدمولي..فقالي هنتعامل على اساس ايه قلتله مش قلت اصحاب وبس يبئى اصحاب وبس شوية يقولي اوكى وشوية يقولي نسيب بعض وبعدها احنا الاتنين عملنا عبط واتكلمنا عادي مشيت وانا مش عارفة هنتكلم تاني ولا فركش فسالته بعدها احنا بنتكلم ولا لا

قالي احنا اصحاب نرفذني لاني مش عاوزه الرد ده خلاص قلتله اه اصحاب واخواات..بس يا مروة فدي تقريبا الحكاية وقلتله على العريس اللي اتقدملي وقعدت معااه ومن ساعتها مسالش خدت قرار ولا عملت اايه ولا لا ..هو بمذاجه عاوز يسال اوكى مش عاوز براحته محسسني اني تحت امره  وشوية يبئى حلو ومش مستفذ وكتيرررر لا ومعرفش اي حاجة عنه ولو قلتله مبتتكلمش ولا تعرفني حاجة بيقولي من طبعي مبعدش احكي عن حياتي الشخصية فبقوله غصب عني بدي مبررات عشان مش تبئى في مشاكل وخناقات يقولي انا مقلتلكيش تدي نفسك مبررات..مش عارفة هو عامل كدا ليه في نفسه وبيطلعه عليا..

انا تعبت ومش عارفة اتعامل معاه ومعرفش هو بيكرهني فيه عشان ابعد عنه ولا ايه لو مش عاوز يتكلم يقول وكل حد يروح لحال سبيله لكن ميبئاش بيتعامل بمذاجه والمطلوب مني اسكت وغلط مني اني ادي مبررات..احنا الاتنين خايفين نتكلم مع بعض لحد يفهم التاني غلط انا غلطت عشان قلت شعور من غير متاكد منه لان مينفعش اعجب حتى بحد مشفتوش ومعرفوش و خايفة اتكلم معاه في اي حاجة لانه فاكر اني بحبه واي حاجة بيقلبها كدا وهو خايف يتكلم ليفتكر انه بالطريقة دي بيلمح ان في حاجة من ناحيته

..فمش عارفة احنا فعلا بدانا غلط الكلام مع بعض بالاسلوب ده ولا في ايه واتعامل ازاي معاه اه في حاجة كمان هو مفيش اي حد فارق معاه يعني اصحابه يقولي مش عارف بنبئى قاعدين مع بعض وخلاص وانتي فارقة ومش فارقة يعني فارقة عشان صحبتي ومش فارقة عشان مش هبئى معايا وقالي في وسط الكلام انه عارف اننا لو كملنا هيجرحني في الاخر..انا حاسة ان كلامه متناقض مش عارف هو عاوز ايه متردد مش عارف يقرر اهمية حد في حياته..اسفة اني طولت كداا بس بليزز فيديني وعرفيني اتعامل ازاي مع الحد ده لاني تعبت ومش عارفة اعمل اايه

اضغط على شريط الاستماع لمعرفة ردى

Get the Flash Player to see this player.

 

Bookmark and Share