رد صوتى: حب دا و لا لعب عيال؟

Date posted: June 11, 2009


 

هاي عاملة اية انا الحوار طويل شوية بس معلش استحمليني انا بحب واحد من وحنا صغيرين اوي يعني انا 20 سنة و اعرفوا من 8 سنين طبعا الاول كان شغل اطفال و هبل بس بعد كدة الموضوع لما كبرنا شوية اخد شكل الجد

الاول كان عايز يصاحبني و انا قلت ماشي وكنا بنعد في النادي و كنا نتخانق علي حاجات عبيطة زي مين يسلم علي مين و كدة و كنا نعد نفركش و نغيظ بعض و نرجع و نفركش و كدة بس كنا كل يوم قدام بعض في النادي بعد كدة في ثانوي تقريبا رجعنا بقى نتكلم مع بعض و تليفونات كل يوم بس مش بنقول لبعض حاجة حب كلة تلميح من تحت ل تحت و بقينا نخرج سينما و كان بيزن يمسك ايدي و انا كنت مش بوافق في الاول خالص

و بعدين بقي قشطة بسيبوا يمسك ايدي بس كان هو بقي مش بيتصل بيا و انا كنت كل يوم انا البتصل بية كان بيعد يكلم لما اكلموا و نتكلم بلساعات بس ماكنش بييتصل بيا خالص دة كان بيضايقني طبعا و كنا بنتخانق بردة لان كان في حاجات بضايقة بس مكنش بيقول يعني انا لو وقفت مع حد في النادي كان يقلب عليا بس ماكنش يقولي مش بحب كدة و لما كنت اسالة كان يقولي انتي المفروض تعرفي اية اليضايق اي ولد و متعمليوش

انا كنت طبعا سعات اتعمد اغيظوا عشان اشوف بيحبني ولا اية قعدنا حوالي 8 شهور و بعدين سبنا بعض لان كمان غير الخنقات دي كان عايزيبسني انا مكنتش بوافقف قلت اقطع معاة يعني شوية و كدة كدةمكنتش بتفرق لان كنا قدام بعض في النادي و بشوفو يوميا لو صيف و اسبوعيا لو شتا و كنا بنقضيها بصات و يعد قدامي و كدة المهم قطعنا 7 شوهور كدة و رجعنا تاني

و كان في واحد من صحابوا المفروض كان بييجي يصلح بينا ف كان دايما يعد معايا ف حسيت انة بدا يتضايق و اتغير معايا و مع صاحبوا و بعدين لقيت صاحبة دة عايز يصاحبني ف طبعا انا قلت لا و مش بقيت اعد معاة وهو و صاحبة قطعوا مع انا بعض بعد كدة فضل متغير مودا وبقينا مش بنتكلم خالص و رجعنا بردة و قعد يقولي ان صاحبة مكانش كويس وانةكان بيوقع و سالني كان بيقولي اية و كلام كدة وبعدين قعد يزن علي ان يبوسني وكدة وفعلا حصل كدة وبعدين سالتة و بيحبني ولا لا مش باخد منة ايجابة واضحة

زي مثلا يقول مش عارف او حاسس ب حاجة نحيتك كنت بعد اساة انت عايز كدة وبس يعد يقولي ولو عايز كدة حعمل مع حد مش كويس و اشمعنا انتي و بعدين انا مكنتش مرتاحة يعني هو بنتعامل زي ل بيحبوا بعض و انا بحبة و مش فاهمة عايز اية بظبط و سبنا بعض و قلت ان لازم ابطل اروح النادي و كدة و فعلا مش بقينا بنشوف بعض بس كنت بحبة و فضلت 6 شهور مش عارفة غنوا اي حاجة

و بعدين اعد يتصل و انا كنت مش برد قابلتة صدفة في حفلة فاول ماشافني قالي انتي ندلة اوي و مش بتكلمي و بكلمك و فينك و الكلام دة وبعدين مسك ايدي و ساب صحابة و انا كمان و قضينا اليوم مع بعض و رجعنا نتكلم في التليفون و فضلنا بنتكلم بس مش بيقول بحبك بردة و كنت بروح عندهم و مامتة هناك و ساعات و هي مش هناك و كان ساعات بيبوسنى ف قلتلة ان انا حسيبة خاص و قلتلة ميكلمنيش تاني خالص غشان انا عايزة انساة

قعد يقولي احنا مينفعش نسيب بعض و كل مرة بنرجع و انا مشكلتي اني قدامي كتير عشان اخطب و دة البيقلقني و انا شايف انك وحيدة و اهلك عمرم م حايوفقوا عليا و هو فعلا ظروفة مش حلوة يعني لسة وش عندو اي حاجة حتي شقتة الفيها ايجار جديد و مامتة البتصرف عليهم و كدة قلتلة انا ممكن استناك قالي انتي بتقولي كدة بس اهلك مش حيقولو كدة المهم قلتل ة متكلمنيش تاني خالص عشان انا لازم انسي

قطعنا تليفونات بس فضل يجي علي النت كل يوم معانة مش بيحبة و يعد يقوولي وش بتتصلي لية ؟و كان يسالني بروح فين و مع مين اكننا مع بعضو بعدين رجع يتصل و يقول ننزل و مكنتش بوافق لان كان قدامي واحد معايا في الكلية و كان كويس جدا و كل الناس قالولي اجرب و مامتي قالتلى لازم اجرب حد تاني عشان انسي بس اللاسف الولد كان بيحبني جدا و انا كنت باردة اوي معاة و كنت كل م انزل اشوفة انزل معيطة عشان كنت بحس ان حاجة مجبرة عليها في الاخر قلتلة اني بحب صابي القديم -و بعدين هيثم جالي النادي و قالي في اية بكلمك و مش بتردي و مش حنفضل كدة كتير قلتلة انا مش حرجع عال نظام بتاعك دة قالي طيب جربي المرة د بس و حتشوفي

و مامتة عزمتني علي الغدا تاني يوم و رجعت انا و هو حوالى سنة و نص كويسيين اوي مع بعض و كان مهتم بيا جدا و كنا 24 ساعة با تليفون او مع بعض و بعدين في اخر شهرين بدات المشاكا تاني انا بقي في ثالثة كلية و كزا حد من صحابي اتخطب انا فاهمة ظروفة كويس و كل حاجة و عارفة ان لازم يخلص الاول بس و انا ممكن استناة بس عايزة يحددلى قدامة اد اية بظبط و هو مش عايز يقول ف كنت كل شوية خناقة بسبب الموضوع دة و هو يقولي احنا مع بعض و انا لسة في كلية حعرف منين قدامي قد اية انا و انا اقلة يعني اية تعرف منبين و انت كدة بتقضى و قت و بس و مش بتفكر في قدام و نعد نتخلنق يجي يصالحني اتعوج و العكس ف قلتلة انا حاسة اني مش فارقة معاكو انا خلاص كدة كفاية و نسيب بعض قالي انا لو دة حصل مش حرجع تاني عشان انا مش تحت امرك كل شوىة تسبيني و انا البرجعلك

و دي اخر مرة مش حجري وراكي و اصلا انتى معندكيش دم عشان لسة فاكرة بعد 1 و نص تقولي نسيب بعض و احنا كل يوم مع بعض و انا مش شايف سبب قلتلة انت السبب و انا حاسو اني مش فارقة معاك قالي لاء فارقة و مش حقولك اكتر من كدة و بعدين اخوة الكبير كلمني قالي انتة لسة صغيربين و الحاجات دي نصيب و هيثم مش بيعرف يعبر عن مشاعرة عشان هو خايف من قدام و الكلام دة و بعد كدة هيثم كلمني صالحني و قالي متزعليش و كدة و بردة فضلنا كدة و انا بطلت اتصل بية و قعد دايماهو اليتصل لحد ماجالي النادي قالي اتا كل مرة بصالحك و مش فاهم مالك مش بتتصلي و انا مش حتصل و انا جي عشان اقولك كدة قلتلة ماشي مش حاتصل و فية داهية قالي ماشي بس حاتتصلي و مشي و سابني

انا حكيت ل مامتي و قالتلي ان لازم اكلمة عشان انا قليلت الزوق كدة كلمتة رد وحش اوي علياو اعدنا اسبوعين مش بنتكلم ف كلمتة قالي انا مخنوق و لازم نتكلم مع بعض احنا مش حاينفع نكمل و خلينا ناخد هدنة شهر عشان نهدا شوية قلتلة هي كدة بانت اوي انت كنت بتتسلي اصلا و كل هدفك كان حاجة معينة قالي انتي عارفة كويس اني مش كدة و اني مش عايل و انا عندي ظروف تمنعني من اني اتعلق باي علاقة قلتلة وانا مش تحت امرك ولو سبنا بعض مش حارجع قالي ماشي انا عايز نبقي صحاب عادي قلتلة و انا مش عايزة اعرفك

و بعدين تاني يوم كالمني قابلنا بعض قعد يقولي فترة عشان بنتخانق كتير و نشوف عيزيين اية و اتخانقنا و بس و بعدين قعد بعدها كل يوم يجي النلدي كنت بشوفة ادور وشى و بعد كدة نكان عال نت يعد يكلم و انا مش برد علية و قعد يقولي انتي بتنزلي ف نظري وو كل يوم بكتشف انك ندلة و مش عايز اكلمك تاني قلتلة بلاش نتكلم عن مين ندل و مين بينزل في نظر مين انت كنت عايز حاجة معينة و بس قالي انتي فاهمة كويس اني مش كدة و اتصل بيا قالي انا مكنتش كدة و انا كنت متعلق بيكي و انتي فاهمة كويس و انا عندي ظروف و كل مكلمك مش عايزة تكلميني و تشوفيني تضوري وشك قلتلة انا حرة قالي صح و انا غلطان ان بكلمك و افلنا و بعد كدة جة واحد صاحب اخو جابو و جالي قالي عيب البيحصل دة و سلمنا علي بعض و بعدين قالي انتي بتعملي كدة لية معاة قلتلة هو السابني قالي و دلوقتي قدامة اكتر من 2 سنة عشان يخطب و انتي ممكن تتخطبي في اي وقت

و هو خايف ف قال مايوقفش حياتك قلتلة انا قلتلة قبل كدة اني ممكن استني قالي و اهلك قلتلة ماما عارفة قالي انا ححل المشكلة دى و معملش حاجة بعد كدة بقي يسلم علياو بعدين القطة عندي كانت عايزة تتجوز ف عملتها حجة و كلمت مامتة ف قالتلي فينك و بطلة امور العيال ال انتو فيهاو كل شوية تسيبوا بعض و ترجعوا اكبروا بقي و كلام كدة قلتلها هو المش بيكلمني المهم اخدوا القطة و هو بعدها كلمني قالي ننزل و نزلت اتا و هو و صاحبة و بعدها كلمني نزلنا بردة و بعدين رجعنا نتكلم كل يوم بس هو عايز نعد نتكلم و كدة بس نبقي انتيمز و انا موافقتش

لان اولا بصاتة مش واحد صحاب عادي و مش بيتعامل عادي و التلسفونات دي العلطول ف قلتلة الكلام دة قالي انتي اتاتية اوى و خلينا بنتكلم وانتي يا حب يا مفيش قلتلة خلاص بقي و كدة و برضة مفيش فايدة بيعد يكلمني عالنت و ارد بارف و كدة و ش ببدء بالكلام معاة الكلام دة بقالوا شهر كدة بس مامتوا بتكلمني و الاسبوع الفات هو دلوقتي في القاهرة عشان الامتحانات ف مامتوا كلمتني عشان اروح اشوف القطط و اعد معاها عشات قاعدة لوحدها و فعلا رحتلها المشكلة ان انا مش فاهما و عايز اية بظبط و انا بحبة جدا و نفسي اكمل معاة و عيزاة لو رجعنا اعرف قدامة اد اية عايزة ابقي مطمنةو مش عارفة هو بيحبني ولا اية بظبط و انا بحبة اوى و نفسي نرجع عايزاكي تقوليلي مفروض اعمل اية معاة عشان افهم بظبط و كل مرة نرجع تاني و هو مقيش بنت تانية طول الفترة دي انا اسفة طولت اوي و حكتلك القصة من الالف ليل ياء.

اضغط على شريط الاستماع لمعرفة ردى

 

Get the Flash Player to see this player.

 

Bookmark and Share