رد صوتى: أخليه يحبينى ازاى؟

Date posted: June 6, 2009


 

من سنتين تقريبا اتعرفت على زميل ليا فى الكلية بس هو فى اخر سنة كان مختلف عن اى حد عرفته قبل كدة و هو الوحيد اللى قدر يلمس قلبى و يخلينى احبه بجد

على فكرة انا مش من الناس اللى ممكن شعورها يخدعها انا متأكدة جدا من شعورى انا حبيته حب مش طبيعى خلانى بعد كدة مهما يعمل بسامحه بكلمة صغيرة اوى منه فضلنا على حال نزعل من بعض و نسيب بعض شوية و يرجع يكلمنى و اسامحه فثانية شوية طول السنتين من غير مبالغة

كنت مستغربة طب هو لو بيحبنى بيسبنى لية خصوصا لما بضغط عليه فى موضوع الخطوبة بعد ما بقالوش حجة لانه اتخرج و اشتغل و حتى معندوش جيش طب

لو مش بيحبنى لية بيرجعلى كل مرة و يتحايل عليا عشان ارجعله و لما كنت بسأله كان بيتهرب من السؤال و اخر مرة سألته متهربش و قالى انه بيحبنى بس مش اوى مش للدرجة اللى تخليه يجي يخطبنى و طلب منى ان احنا نفضل نتكلم لانه مش هيقدر ميكلمنيش و انا كمان مش هقدر مكلمهوش للامانة انا وافقت لانى فعلا مش هقدر مكلموش انا مش عارفة اية اللى ممكن يخليه يحبنى اوى زى مانا بحبه بس موضوع انى مكلموش تانى ده صعب اووووووووى ياريت تقوليلى رأيك متشكرة اوى

اضغط على شريط الاستماع لمعرفة ردى

Get the Flash Player to see this player.

 

Bookmark and Share