رد صوتى: أمى متسلطة و انا عايز استقل

Date posted: June 6, 2009


 

بإختصار مشكلتي مع امي تكاد تكون معقدة وهي كالاتي الوالدة من النوع الذي يعشق السيطرة والوالد ولا بيعمل حاجة مكبـــــــــــــــــر علي الاخر

عندنا مزرعة فواكه والوالد مقيم فيها بيجي البيت في الاسبوع مره او اتنين ينام وياخد اللي ناقصه ويمشي.

والوالده هيا اللي شايله الليله كلها احنا 4 اولاد وبنت متزوجه وانا الاكبر وعمري 27 المشكله ابتدت مع امي منذ الصغر كانت علي طول تتعارك مع والدي وتوصل للطلاق بدل المره اتنين وعلشان الاولاد يرجعوا تاني بعد ما نتفضح والناس كلها تتفرج علينا.

حصلت بيني وبين امي مشكلة كبيره من 5 سنوات وروحت اعيش مع والدي في المزرعة بعد ماكنت حنتحر وزهقت من عيشتي كلها لما طردتني من البيت ورجعت بعد ما صالحتها وجبت الغلط عليا مع اني والله يامروة مش غلطان بس بغبائي ماكنتش عارف الليلة ماشية إزاي وكمان صغير في السن ونقص خبره.

المهم وبإختصار انا دلوقتي عاوز استقل بحياتي عن البيت ده اللي مش لاقي فيه اقل حقوقي وده بسبب اني طيب وبسمع الكلام زياده عن اللزوم ممكن يكون ده خوف بس انا بحتسب الاجر عند الله لقوله (ولا تقل لهما اف ولا تنهرهما)

بس انا وصلت لسن لازم اتحرك فيه وعاوز اول مساعدة من اهلي وبمعني ادق من ماما مع العلم ان حالتنا الماديه متيسره والحمد لله بس هيا مش راضية تتحرك طلبت منها وعلي سبيل المثال اخر مره تشوف لي وظيفه مناسبه في السعودية لما تسافر تجدد الإقامة بتاعتها هناك لانها عندها علاقات كتيير هناك وانا كمان اعرف ناس كتير هناك لاني من مواليد جده وقولت لها ببساطه: يا ماما انا عندي 27 سنه ومحتاج شغل حقيقي اكون بيه نفسي علشان اتجوز وعاوزك بس تعملي لي زياره لما تسافري وانا عليا كل الباقي

قالت: عاوز تسافر رديت ايوه قالت: ربنا يسهل وانا حاسس انها مش حتعمل حاجه لان اخويا الاصغر طلب منها نفس الطلب السنة اللي فاتت وطنشت. السفر بالنسبة ليا الامل الوحيد اللي بنيت عليه كل حاجه لاني حاولت هنا كتيير بس انتي عارفه الوضع في مصر عامل إزاي

انا حاليا بشتغل في شركة indoor sales rep بس بتقاضى اجر بسيط يادوب المصاريف وبدور علي حاجه احسن اكيد وباخد كورسات وبعمل اللي اقدر عليه بشتغل وظيفتين التانيه مشروع فاشل من مشاريع اهلي مش باخد منه حاجه بل بالعكس بصرف عليه يعني من اول ما اصحي الصبح الساعة 9 لحد الساعة 1 بالليل بشتغل وفي الاخر برجع البيت علي خنائه وعصبية امي اللي زادة عن حدها الايام الاخيره مش عارف

ليه زهئت والله يامروه وفي الوقت اللي بشوف الناس كلها اهلها بتساعدها بحس اني لوحدي انتي عارفة…… لو انا من اسرة بسيطه وامكانيتها محدوده مش هزعل بس ليه اللي بيحصل ده مع اني ممكن اكون حد كويس انا عارف ان الغربه صعبه لأني جربتها قبل كده وعارف ان المره دي حتكون اصعب بس انا ما عندي خيارات وكمان للأسف ياريت اعرف اسافر بس مش عارف عارف اني طولت عليكي بس انا عمري ماقولت لحد على مشكلتي غيرك وربنا يجعلك سبب في حلها ويمكن انتي عملتي حاجه زي كده علشان تساعدي حد بيتألم وحياته صعبه زيي نفسي افهم ماما واعرف مفتاحها فين ؟؟ احيانا احس انها بخيله واحيانا احس انها سخيه جدا ومره عصبيه وبتقول الفاظ غريبه والمره التانيه حنينه ومافيش في طيبتها بكرر شكري ليكي يامروه علي وقتك اللي ضيعته ليكي بمشكلتي وياريت الاقي الحل عندك

 

اضغط على شريط الاستماع لمعرفة ردى

 
 

Get the Flash Player to see this player.

 

Bookmark and Share