مشكلة مش لاقية لها عنوان

Date posted: July 24, 2009


 

 

هاى مروة انا كوكا عندى 21 سنة من القاهرة فى تالتة جامعة المهم يا ستى انا بحب واحد معايا فى الجامعة بس اكبر منى بسنة بقالنا مع بعض 2 سنتين كنا فى الاول مثال لقصة الحب الناجحة و من حوالى 5 شهور ابتدت المشاكل تكتر اوى و كان دايما يقولى انها بسببى بس هو غييوووووووووور اوىىىىىىى فكان دايما يتخانئ على حاجات عبيطة اوى و يقولى انتى السبب الاول ابتدت بى انوا يعالى صوتوا ادام الناس بعد كدا ابتدى يشتم و مكنتش بقدر اتكلم و كنت بقول عشان انا الغالطانة مايش عين اتكلم و بعد كدا بقى يمد ايدوا اتكلمنا كزا مرة فى انوا كدا ميتفعش كدان يتاسف و كان يقول انا البوصلوا لكدا المهم وصلنا لى انى المشاكل بقت كتيرة اوى و كبيرة و كنا بنعد بى الاسبوع منتكلمش و بعد كدا نرجع تانى و بردة المشاكل و الخنئات كتير بس نت حوالى شهر كدا حصلت مشكلة و انا سبتوا من غير ميحصل اى حاجة بس سبتوا بطريقة وحشة اوى بعتلوا  رسايل و قولتيلوا انا مش عايزة اعرفك تانى و انا مش هينفع اكمل مع حد زيك و من غير ميحصل اى حاجة بس كان عندى مشاكل فى البيت فقولت ابيعدوا عنى بطريقة وحشة عشان ينسانى و مجبلوش هو مشاكل معايا المهم بعد اسبوع المشاكل هديت من عندى فى البيت فقررت ارجعلوا روحتيلوا لى حد بيتوا و نزلتوا و  حكيتلوا الحصل طبعا كان مش طايقنى و كان رافض يسمع اى حاجة بس انا مكنش ينفع ابعد عنوا عرفت ازاى اصلحوا و رجعنا تانى بس قالى انوا مش هينفع يرجع زى الاول تانى بسهولة و انوا قفل من ناحيتى من كتر المشاكل و انا الفى ايدى ارجعوا معايا زى الاول انا وفقت عشان انا بحبة مقدرش ابعد عنوا …و فضلنا اسبوع مع بعض من غير اى مشاكل و بعمل كل حاجة عشان اريحوا بس هو فعلا مكنش زى الاول يعنى فى الاسبوع مفيش كلمة حلوة الكلام على اد السوال  وقتى فى يوموا قل اوى انا لاحظت قررت اتكلم معاة كنت كل لما افتح معاة الحوار يضايق و يقولى انا مش عايز اتكل فى الموضوع دا انتى غاوية تنكدى و كدا فقررت انى ابعتلوا ايميل فى كل المضايقنى عشان يطر انوا يقراة و يفهمنى و قولتيلوا انى (انى مبقتش حاسة بى الاهتمام و انى مبقتش افرق معاة و انى الموعملة بقت وحشة جدا و انى طرقتوا مش طريقة واحد بيحب واحدة و دا طبعا باختصار و قولتيلوا شوف انت عايز اية و فكر و قولى) فعلا كلمتوا تانى يوم قالى انى كل كلامى دا صح و انوا دا حاجة مش بى ادية لانوا قفل من ناحيتى و بقى مش حاسيس بية و قالى انوا مش عايز يسبنى و قالى شوفى حل و لو لقيتى حل تقدرى تصلحى بية الحصل انا معاكى و فعلا قولتيلوا انى هتغير و هصلح كا الحصل بس منسبش بعض و هو وافق و قالى اوكى انا مش عايز اسيبك و انوا بيحبنى و كدا …بس تانى يوم قولت اعميلوا مفاجاة و اروحلوا عند بيتوا و اصلحوا بقى فايس تو فايس و فعلا روحت و بكاما ينزلى اعد يزعق ازاى اجى من غير ما اقولوا و ازاى انزل فى الوقت دا مع انوا الساعة كانت 8 بس و مارداش ينزل بس نزلى عشان يركبنى و روح تانى  بس طبعا ركبنى انا الف غلط انى عملت كدا و اضايق اوى …تانى يوم بكلما اعتبوا على الحصل لقيتوا بيقولى انوا هيسافر اسبوع و كدا مع انينا متفئين انينا طول ما احنا مع بعض 

محدش فينا هيسافر عشان هو بيضايق و انا بضايق بس… فبقولوا ازاى احنا متفقين قالى لا دا كلن زمان بس دلوقتى غى  مشاكل  و انى كل واحد منينا محتاج يريح  اعصابوا
المهم انا كنت معطرضة و كنت مضايفة هو كان عمال يزعق و يلرد عليا بطريقة وحشة جدا و قولتيلوا  انى كان مع البنت   القبلى  كان مش بيسافر مع انوا مكنش بيحبها ادى و معايا انا هيسافر و يسبنى اعد هيزعق بردة انى جبت سيرتها اودامة و انى بقارن نفسى بيها ال مهم ازالى و ازاى و قالى بزعيق عايزة تعرفى انا كنت بعد و مش بسافر و انا معاها لية انا هقولك عشان كنت …..بنام معاها :s….
سورى يا مروة انى قولتلك كدا بس هو دا القالهولى انا قفلت فى ويشوا السكة بعد كدا  بعتلى رسالة فالى انوا اسف انى قالى الفظ دا بس انا عصبتوا و استفزيتوا …بصى  انا كنت عارفة انوا عمل معاها كدا بس طبعا انا  استغربت انوا قالى كدا فى الوقت دا و بى الطريقة دى بعد بعتلى الرسالة قررت بردة انى اكلموا و اشوف بقى حل لى كل البيحصل دا
و كلمتوا لسة بقوالوا نتا هتتغير ولا لا راح قالى لا روحت اولتيلوا اوكى انا مش هقدر اكمل قالى اوكى و قفلنا …و هو سافر بس لما سافر بى 3 ايام كلم اوختى بحجة انوا بيسال عليها مع انها عمرها محصلت و مجبش سيرتى خالص و بعديها واحدة صحبتى بتكلموا قالها انينا سبنا بعض بس هو الغلطان ززالمهم احنا كدا بقلنا اسبوع سايبين بعض جيت امبارح قررت انى اكلموا عشان واحشنى و اطمن علية عادى لقيتوا مردش عليا …..بس يا ستى انا عيزاكى تقوليلى حل و يكون حل بجد يريحنى و على فكرة يا مروة هو بيحبنى و انا متاكدة عشان كدا انا لسة بقية علية و عارفة انوا بيحبنى انا بليزززز عيزاكى تسعدينى و تقوليلى اية الحل معلش يا جميلة انا طولت عليكى بس انا بجد عايزة ناصحتك اوىىىىىىىىىىىىىى …

___________________________________________

 

كوكا … انت ازاى مش شايفة ان الولد دا ما ينفعكيش؟

هو انت بتضربى و تتشتمى فى بيتكم؟

اهلك بيمسحوا بيكى الارض قدام الناس؟

مين دا اللى يكلمك كدة و بأى صفة بيتحكم فيكى و بيضربك؟ على قد فهمى انت بتضربى
و بتتشتمى فى الشارع مش فى مكان خاص .. يا ترى لو بقستى فى بيته هيعمل فيكى
ايه؟

لا و القادر يقولك ان انت السبب … يعنى هو الرجولة بالصوت العالى و قله
الادب؟ فين التحكم فى التصرفات؟ فين ضبط النفس؟ فين الراجل اللى مش ممكن يمد
ايده على واحدة ست … دا لو معلقك من الشارع ما يعملش كدة .. بس ارجع و اقول
هو عنده حق .. ما انت موافقة و سامحة له بكدة … و بكرة لو اتجوزتيه يضربك
قدام ولادك .. ايه الخيبة دى يا كوكا؟

و بعدين دلوقتى هو بيلف و بيدور علشان ينام معاكى … واضحة جدا يعنى ….
علشان يرجع زى الاول … انت لازم تصالحيه … و تتصرفى … و تشوفى حل ….
مالك فى ايه ما الراجل واضح أهو

فى سنتين راحوا و اهى كلها تجارب .. عايزة ايه تانى يروح؟

انا عايزكى تتعبى نفسك شوية و تقرى على النت عن الاساءة العاطفية و الاساءة
الجسدية و الاساءة المعنوية و الاساءة اللفظية يمكن تفهمى نوع هذا الذكر

 

Bookmark and Share