fbpx
مونتيسوري مصر- تقدمها مروة رخا

حدود الصح و الغلط فى العلاقة

 

 

انا  عندى 15   سنة  انا  كنت  اتعرفت  على  ولد  وكان  اول  ولد  اتعرف  علية  واول  مرة  اخد  نمرتة  واكلمة كنت  فى  الاول  فرحانة  بالموضو ع  لكن  بعد  كدة  حسيت انى  مبحبوش  خالص  بس  هو  كان  بيحبنى  جدا  سبتة  وانا  مش  ندمانة  بس  هو  زعل  بس  المفاجاة  انو  بعد  ما  سيبتو  عالطول  نسانى  فجاة  و  بسرعة   كانة  مكنش  بيحبنى  مع  انى  انا  متاكدة  انو  كان  بيموت  فيا  وكان  مستعد  ان  يعمل  كل  حاجة  ليا  وبعد  ما  صاحب  ال  بنت  دى  بيقولها  عنى  كلام  وحش  جيت  اكلمة  كلمنى  وحش  جدا  والمشكلة  عندى  ان  انا  من  سعتها  محتارا  هو  كان  بيحبنى  ولا  لاء والمشكلة لاكبر  انى  حبيت  واحد  وانا لسة  بفكر  فى  حتي بعد لما حبيت, لو سمحت ساعدني في المشكله  دى

____________________________________________

 

اهلا يا مشمشة

انا عايزة اقول لك انك هتحبى تانى و تالت و رابع و عاشر لحد ما تلاقى شريك
حياتك

بس علشان نكون واقعيين بلاش نسمى مشاعرك دى حب لان الحب دا بيجى مع الوقت و
العشرة و النضج .. تعالى نسميها استكشاف عالم الرجال .. نسميها تجارب عاطفية
على قد سنك … و دا من حقك علشان تكتسبى خبرة

لكن و حطى تحت لكن دى مليون خط احمر

لكن انا مش عايزاكى تقولى او تعملى حاجة لو اتكشفت او اتعرفت تسبب لك مشاكل

يعنى مثلا لو اديتى لواحد صورة و سيبتوا بعض و هو هددك بيها يبقى انت كدة عملتى
حاجة تكسف و بالتالى غلط

او لو اتكلمتى كلام خارج و اتنقل على لسانك و خايفة حد يعرف يبقى كدة انت غلطتى

اللى تخافى انه يتعرف يبقى غلط و الغلط بلاش منه

فهمتى؟

من هي مروة رخا؟
مروة رخا: موجهة مونتيسوري معتمدة دولياً من الميلاد حتى 12 عام. Marwa Rakha: Internationally certified Montessori educator from birth to 12 years.

بدأت “مروة رخا” رحلتها مع “نهج وفلسفة المونتيسوري” في نهاية عام 2011 بقراءة كتب “د. ماريا مونتيسوري” عن الطفل والبيئة الغنية التي يحتاجها لينمو ويزدهر. تلت القراءة الحرة دراسة متعمقة للفلسفة والمنهج مع مركز أمريكا الشمالية للمونتيسوري

“North American Montessori Center”