قولتي في حلقة روتانا، ان لو واحد معجب بواحدة يحاول يتعرف علي اهتمامتها، ويحاول يجد قاعدة مشتركة علشان يقدر يقرب منها..
طب لو البنت فعلا فهما النقطة دي وعارفة ان لو واحد عايز يقرب منها هيهتم بأهتمامتها
وفعلا حد اتقرب منها بنفس الاسلوب، لكن هي حسة ان الاهتمام ده لمجرد التقرب، مش لأن فعلا ده اللي هو مهتم بية..
هل ده ممكن يخلق مشكلة، ولا هي تسيب الامور تمشي وخلاص.؟؟
يعني اصلي حسة ان ده هيبقا اتنين بيضحكو علي بعض، هي عارفة هو بيعمل كدة لية، وهو بيعمل كده علشان يتقرب بس منها..؟؟
وهل فعلا ممكن واحد يكدب علي انة مهتم بحاجة هو بيكرها علشان خاطر عايز يتقرب لحد..؟
زي فيلم نيلي كريم و رامز جلال في احلام الفتي الطايش
هو مش بيطيق الشطة، وهي بتموت فيها، اكل شطة وموت نفسة علشان خاطر يرضيها..
هل ده غلط ولا اية بالتحديد محتاجة اعرف رأيك