بحب واحد و حاسة انى مش فارقة معاه

Date posted: July 19, 2009


 

 

انا من الجزائر انا بحبك اوي بس عندي مشكلة عاطفية.انا عمري 18وبحب شخص عمرو 28 بقلنا سنتين مع بعض بحبو جدا بس هو مش عارفة انا اول العلاقة كنت حسة بانو فيه حاجة مخلياه مش معايا بأحساسه ما بيتصلش كتير يعني مش فارقة معاه.بس لما اقوله انا حاسة بكدة ولازم نفترق يوقلي انت مش واخدة العلاقة بجد وانا مشغول والله وكده.فقلت يمكن عشان فرق سن لي بنا طريقة تعبيرو تختلف عن طريقة تعبيري.هو كان عاش قصة حب مع وحدة مدة 8 سنين وحبها جدا.انا سئلت على البنت دي وقالولي تجوزت.فمرة كنا مع بعض وكلمني عنها وانو حبها اكتر من اي حاجة وقالي انها مش متجوزة وبتدرس فالجامعة بالعاصمة وانها عايزة ترجعلو بس هو رافض الموضوع عشان كرامته.انا زي اي بنت عايزة ترفع كرمتها قلتلو لو بتحبها ارجعلها المفروض انتو لبعض,فقالي انو خلاص نسيها .انا احترمت انو يفتحلي قلبو ويصارحني بس انا حسيت اني في طريق مش طريقي حتى الكلمة الحلوة الي بيقولهالي مش ليا ولا من حقي .وكمان في اتصلات تربطو بأختها بحكم الصداقة .انا الموضوع مش عجبني بس مكلمتوش فيه .انا بحترم القصة لي عشها .بس مش حسة بوجودي معاه هو عايش فالماضي بتاعو او انا حاسة بكده.وكمان بعالج الاختلافات بينا ببرودة انا خايفة .مرة احس انو بيحبني ومش عايز يبين ومرة احس انو عمرو كله مش حينسى صحبتو الاولنية .ارجوكي مروى تقدميلي نصيحة وانا بوعدك اعمل بيها .ربنا يوفقك

___________________________________

 

احنا بشر و نفخ الروح فى الجسد صفة الهية … انت بقالك سنتين بتحاولى تنفخى
الروح و الحب و الشغف و العاطفة الجياشة فى قلب مستسلم للامر الواقع .. شخص
بيتعامل معك على انك قضاء ربنا و قدره … من كلامك انا حاسة انه محترم لكن ميت
من جواه

انت قدامك الاختيارات التالية

اولا: تخليكى معاه مدة اطول يمكن المعجزة تحصل و يهيم بيكى حبا
ثانيا: تتجوزيه و تنسى الكلام اللى انت بتشكى منه دا كله .. لان الراجل فعلا
ماعملش حاجة غلط .. انت بس اللى بتطالبى بحقك فى الحب .. و لو دا مش فى
استطاعته يبقى تركزى على باقى المزايا
ثالثا: لو الشك و الغيرة و البرود العاطفى تمكنوا منك .. يبقى تسيبيه

 

Bookmark and Share