fbpx
مونتيسوري مصر- تقدمها مروة رخا

بحب واحد كان مرتبط بأختى

 

 

هاي ازيك يا مروه
انا عندى 18 سنة وبجد محتاجة لرايك عشان بالرغم من ان علاقتي بوالدتي ممتازه إلا أني مقدرش اتككلم معاها في الموضوع دا
انا مرتبطة بواحد حنين جدا جدا جدا بيستحمل عصبيتي خلاني اسمع كلامه عن حب بيخاف عليه و على مشاعري ,,, انا شفت علاقت كتير من ارتباط و جواز و خطوبه و بجد مفيش حد في حنيته و مع اني مش بحب ال تشبيه دا عشان بحسه طالع من البنات التفهه بس انا اتفرجت على حلقه ولا اتنين من المسلسل التلركي نور و شفت حنيه مهند و بردو هو احن منه بجد هو حد يقدر يستحملني و يرعاني و بجد مفيش حدكده في الزمن ده

بــــــــــــــــــــس في شويه حاجات كتيـــــــــــــــــــــــــــــــــــــــــــــــــــــــــــــر

اول حاجه :
كان زمان مرتبط بأختي بس اختي اتجوزت و اينعم هي اطلقت بس المهم انهم بعدوا تماما عن بعض بس المششكله ان ماما مش بتحبو عشان هو كان يعني مرتبط بيها بس هي دلؤتي خلاص اقتنعت شويه ان دا كان حاجه زمان و خلاص
تاني حاجه : انا في كليه هندسه بس جامعه خاصه بس ليها بردو اسمها و الحمدلله نجحت اول سنه بتقدير جيد جدا و هو للاسف عاد اربع سنين في كليته و في الاخر حيحول بزنس في جامعه تانيه يعني المفروض نخلص في نفس السنه عشان الجامعه الي هو دخلها سهله و إنشاء الله مش حيعيدسنه و ده طبعا احتمال يكون ليه تأثيره في الشغل بس هو عايز يعيش اصلا في السعوديه عشان المرتب و الحياه و عمو عندو شركه هناك يعني الشغل مش حيكون فيه مشكله ان شاء الله
تالت حاجه : هو والده فلسطيني و والدته مصريه بس هو عايش كل عمرو هنا في مصر
رابع حاجه :يمكن كل الكلام الي فات مطاوله عشان مدخلش في رابع حاجه دي و هي اننا تعملنا كزوج و زوجته و لكني مازلت عذراء بس حلفنا ان دا عمرو ما يتكرر مهما حصل و هو كمان ألي قال كده مش انا و هو بيقولي انه بيخاف عليه و لما انتقدت كلامه مع الي حصل قالي انه كان ممكن يخليني ثيب بس هو بجد عشان مش ضامن الحياه و الموت

والله انا بنت محترمه مش ,,,,, ولا كل يوم مع واحد بس دي كانت غلطه و لازم انساها بس بردو مقدرش ابعد عنه عشان انا لو بعدت عنو حكوم عريت نفسي قدام واحد مش حيكون جوزي دا غير اني بحبه
انا مش عارفه اعمل ايه ؟؟؟
محتاجه مسعدتك

اسفه طولت عليكي بس هي الحكايه كبيره و في انتظار ردك

_______________________________________________

اهلا يا مشمشة… الحب و الحنية مش كل حاجة … انت عايزة حبيب و لا عايزة حبيب
ينفع يكون اب و زوج؟

لو عايزة حبيب يبقى الولد دا ينفع بس خلى بالك … طول ما نات معاه الحبيب اللى
ينفع اب و زوج مش هيجيلك علشان انت مشغوله عنه بواحد تانى

اما لو انت عايزة حبيب ينفع اب و زوج يبقى الولد دا ما ينفعش … علشان انت
اقوى منه و انجح منه و اعقل منه …. موضوعه مع اختك دا كمان مش مريح … ليه
عايزة تبوظى حياتك بايدك باسم الحب و الحنية؟

غير الحنية .. عنده ايه يعلمه لولادك؟

انت كلها شوية و تتخرجى و تشتغلى و هو لسة فى الجامعة … هو مش عايز يكبر ..
مش عايز ينضج .. مش عايز مسؤوليه .. عايز يعيش طالب طول عمره و حبيب طول عمره و
ما عندوش غير الكلام الحلو و الحنية يديهم لك

من هي مروة رخا؟
مروة رخا: موجهة مونتيسوري معتمدة دولياً من الميلاد حتى 12 عام. Marwa Rakha: Internationally certified Montessori educator from birth to 12 years.

بدأت “مروة رخا” رحلتها مع “نهج وفلسفة المونتيسوري” في نهاية عام 2011 بقراءة كتب “د. ماريا مونتيسوري” عن الطفل والبيئة الغنية التي يحتاجها لينمو ويزدهر. تلت القراءة الحرة دراسة متعمقة للفلسفة والمنهج مع مركز أمريكا الشمالية للمونتيسوري

“North American Montessori Center”