أصول الصداقة

Date posted: July 1, 2009


 

 

هاي يا مروة. ازيك, عجبتني اوي الحلقة عن الثقة في النفس العاسايت بتاعك.كنت عايزاكي بقة تكملي ازاي الواحد يرفع ثقته في نفسه بعد السن 16 سنة الانت معرفتيش تكمليها في الحلقة. حاجة كمان معلش, انا مفهمتش حكاية الورقة و القلم و بصراحة كنت عايزاكي تقوليلي ازاي ارفع ثقتي في نفسي. انا بصراحة بحاول بقالي كتير بس بطرق من عالنت و مش عارفة الصراحة انا بجيب نتيجة كويسة ولا لا. انا نمط شخصيتي باحثة عن الكمال و الا حد ما اجتماعية. احينا بقة تفكيري بيتعب اوي لما اغلط غلطة ملهاش لازمة و بتكبر معايا و كل محاول انساها الاقيها رجعت و يمكن بصورة انيل, احيانا كمان بفكر في نفسي بطريقة سلبية ممكن تقلل ثقتي في نفسي اكتر مع اني عارفة اني زمايلي بيحبوا شخصيتي اوي و بيحبوني اوي و قدرت اكسبهم بطريقة حلوة. اجي احيانا بقة افكر اني بسبب موقف بسيط او حاجة سخيفة ممكن اخسرهم كلهم و مش بعرف ازاي اتفادى االفكرة دي, وممكن لو حصل موقف اتخيله كبير في دماغي و لو اتعاملت معاه ممكن اتعامل معاه بطريقة غلط و يكبر اكتر و اتخيل ان صحابي يبتدأه يفكروا وحش عني. معلش طولت عليكي بس كنت عايزاكي تقوليلي ازاي ارفع ثقتي و اخلص من كل دة.
انا بصراحة الخلاني احس اني ثقتي في نفسي قلت اني بحس اني زمايلي و اصحابي ابتدوا يبعدوا عني و بحس انهم بيتنفروا مني. في الاول انا عرفت اكسبهم اوي و كانوا بيحبوني اوي و كانوا بيتبسطوا اوي مني. دلوقتي مش عارفة ايه الحصل , زي ميكون بيتنفروا مني و بالوقت ثقتي اتهزت و السلف اميدج مبقاش ثابت. دة بقة الفتح عليا الموضوع اني عايزة فعلا ارفع ثقتي في نفسي. انا بقعد اسال نفسي, انا في فترة قدرت اكسبهم و كانوا بيتبسطوا مني و كانوا بيحبوني اوي, هل ممكن اخلي دة يحصل تاني بعد منا بحس انهم بيتنفروا مني؟؟ لو ينفع قوليلي ازاي يا مروة ارجوكي. و ياريت معلش تقوليلي نصايح للصداقة انها تدوم و ازاي اشيل فكرة عدم الثقة و الشك في اي صداقة. مرسي يا مروة بجد

_________________________________________________________ 

 

انا مش عارفة ليه حاسة انك اخترتى صحاب غلط

الصداقة بتتبنى على الآتى

اولا اهتمامات مشتركة
ثانيا مبادئ متقاربة
ثالثا الاحترام
رابعا الوفاء

ايه بقى من الحاجات دى موجود بينك و بينهم؟
انت كنت وحيدة و هما قربوا منك و بعدين لا بقى فيه اهتمامات مشتركة و لا مبادئ
متقاربة و لا احترام و لا وفاء .. يبقى انت باقية عليهم ليه؟ من باب الفضا؟ من
باب قلة الاصدقاء؟

انا عايزاكى تدورى على واحدة او اتنين بس فيهم الصفات اللى انا قلتها فوق

Bookmark and Share