اختلاف شخصيات و طباع

Date posted: July 1, 2009


 

 

هاي انا من الكويت

انا عندي مشكله مع حبيبي وياريت انك تساعديني فيها

انا بحب واحد اكبر مني ب 4 سنوات وانا وهوه بندرس طب وبنحب بعض بقالنا كده 6 سنوات
النقطه الاولى:

انا تعبت من عدم اهتمامو بيا انا الي بسال فيه وانا الي بهتم فيه وانا الي بتصل عليه ودايما انا الي بقولو بحبك مابلقيش منو حنان ولا اهتمام ودايما بيبررلي بكلمة انا مشغول

ولمن بتخنق اوي وبقولو اني خلاص زهقت وانك انت مابتحبنيش بيقولي تفكيرك غلط انا بحبك بس انا مش من النوع الي بيقول كلام حلو وكده يعني

النقطه التانيه: انو لمن بنتخانق هو دايما شايف نفسو صح وانا الغلط ودايما انا الي بتنزال وبصالحو انا مش مشكله عندي اني اتنازل واصالحوو انا عاوزه اغيروو زي ما انا عاوزه
وهو شخصيتوو قويه جدااا جدااا كلمتو ماتنزلش الارض وماتتغيرش بس قلبو طيب جداا ومابيحبش ياخد اوامر من حد او يفرض عليه حاجه هو مش مقتنع فيها

وياريت انك تساعديني انا محتاجه مساعده منك

"وسامحيني لو كلامي ملخبط شويه"

شكرااااااااااا
_______________________________

 

أهلا وسهلا يا جميلة

انا مش هاكدب عليكى .. ما فيش حد بيغير حد .. انت عمرك ما هتغيريه و هو طول ما
هو حاسس انك عايزة تغيريه هيفضل يقاوم و يعند و فى النهاية انتم الاتنين
هتخسروا

لما يكوم فى حاجة مش عجباكى فى حبيبك يا تتقبليها و تتأقلمى يا تشوفى بدائل
تعويضية للاحتياجات العاطفية

و بعدين انتم بقالكم 6 سنين مع بعض يبقى دا معناه ان فى روابط مشتركة بينكم
اكبر و اعمق بكتير من المشكلة دى .. من الاخر انت مطلوب منك تركزى على الجانب
الايجابى من العلاقة و الا هتنهار تماما

Bookmark and Share