رد صوتى: أهل العريس مش طايقيننى من ساعة الكلام فى القايمة

Date posted: May 22, 2009


 

ازيك يا رورو يا قمر انتى…..يا رب تكونى بخير

انا عندى سؤال محيرنى و تاعبنى

انا مخطوبه من 3 شهور و خطيبى راجل بمعنى الكلمه بيحبنى و انا كمان بموت فيه و بيعميلنى انا و اهلى كويس جدااااااااا

المشكله بقى فى اهله مش بيسئلوا عليها خالص ولا حتى فى التليفون ولا بيزورونى فى البيت ولا حماتى بتتصل على مامتى ولا حمايا بيكلم بابايا

على الرغم ان ماما وبابا بيحاولوا يتقربولهم و يكلموهم من وقت للتانى على اعتبار انهم ناس كبار فى السن و المفروض الصغير يسأل على الكبير

المهم خطيبى بسبب ظروف شغله بيكون شهر معايا و شهر فى بلد تانيه و تقريا مش بنعرف نوصل لبعض غير قليل جدا بسبب الشبكه
ومن ساعه ما سافر داخلين على الشهر مكلمونيش ولا سئلوا عليه خاااالص 
رغم انى اول ما هو سافر رحتلهم فى البيت و زرتهم بصراحه عملت كده عشان خاطر حبيبى

و لفت نظر خطيبى قبل كده بس هو رد عليا و قال هما طبعهم كده اعملهم ايه؟
وحسيت انوا مش راضى على الى بيعملوه

رايك اطنش و اهم حاجه عندى هو و خلاص
ولا اكلمهم و اقولهم انتوا بتعملوا معايا كده ليه
ولا استنى لما ينزل بالسلامه من شغله و اتكلم معاه تانى فى الموضوع ده

ده غير بابا و ماما الى بيفضلوا يرمونى بكلام زى الضبش عشان حماتى و حمايا و اخته مش بيكلمونى ولا بيسئلوا عليا و انا كلمتهم و زرتهم كمان و بردوا 
محدش بيعبرنى

وعلى فكره كانوا كويسين جدا معانا قبل الخطوبه بس من ساعه اتفاقات الزواج علينا ايه و عليهم ايه و الراجل مش عاجبه حاجه عشان حمايا كان عايز نا نجيب الستائر و النجف و السجاجيد وبابا مرضيش و قالوا كل حاجه هتيجى فى البيت هتكون بالنص
و خطيبى كان موافق و اصلا حمايا مش هيدفع اى فلوس
و كمان مكنش عايز يكتب قائمه للعفش و بابا اصر

ومن ساعتها و هو كأنه مش راضى على الجوازه لمجرد ان الى هو كان عايزه محصلش

اسفه للاطاله

اضغط على شريط الاستماع لمعرفة ردى

Get the Flash Player to see this player.

 

Bookmark and Share