رد صوتى: ابن خالتى هتك عرضى

Date posted: May 21, 2009


 

 

سلام عليكم 
ازيك يامروة عاملة ايه؟
انا قبل مااكتب المسج ده وانا كنت مكسوفة اوي 
بس الموضوع اني وانا صغيرة كان عندي حوالي 8 او 9سنين وكان ليا ابن خالتي بيجلنا كتير وبيبات عندنا 
وبدا انه يعمل معايا حاجات زبالة (طبعا فهماني)وانا ماكنتش افهم ان ده غلط لاني كنت بشوفه في التليفزيون بيعملوا كدة عادي 
واتكرر الموضوع ده كتير اوي 
لحد ماسالت ماما هو اللي بنشوفه في التليفزيون ده عادي؟قالتلي لا طبعا حرام وكدة وقتها فهمت ان ده غلط ورحت عيطت لاختي الكبيرة(اكبر مني ب 9سنين) وقولتلهاعلي اللي حصل وهي قالتلي ماتعمليش كدة تاني واننا هنداري الموضوع ومش هنقول لحد
واخر مرة حاول يقرب مني مسكت الحزام وقولتله ابعد عني وهو جري وقتها 
انا دلوقت عندي 21 سنة وماحدش يعرف غير اختي بس وابن خالتي ده بقيت بتعامل معاه انا واختي عادي سواء ادام العيلة او غير كدة وبقينا نتجاهل الموضوع تماما حتي هومايعرفش ان اختي عارفة 
 ومش عارفة اذ كان ده صح ولا لا
وكمان انا خايفة موت من موضوع الجواز ده وزي ماتقولي اتعقدت ولسة مش عارفة اذ كنت فرجن ولا لا 
بجد انا مرعوبة بقالي سنين خايفة اوي واختي سالتني علي كام حاجة وقولتلها ماحصلتش وقالتلي ان انا كدة لسة فرجن 
وكمان مش عارفة لما اتجوز احكي لجوزي علي اللي حصل ولا لا؟وياتري لو ماحكتش يبقي انا كدة غلطانة 

مروة انا بجد حاسة اني مكسورة اوي 
ساعدييني الله يخليكي

اضغط على شريط الاستماع لمعرفة ردى

Get the Flash Player to see this player.

 

 

 

Bookmark and Share