رد صوتى: قال لى نبقى صحاب استناه و لا لأ؟

Date posted: May 21, 2009


 

أنا بنت عاديه جدا عندي 24 سنه اتعرفت على واحد لذيذ جدا ومحترم جدا عنده 30 سنه وهو بيشتغل وعنده شركه بس كان حصله ازمه في شغله ودلوقتي بيبتدي تاني من الصفر تقريبا وظروفه الماديه متوسطه بس هو عايزها تكون كويسه جدا قبل ما يفكر انه يرتبط باي واحده 

المشكله اني بحبه ومتعلقه بيه جدا وعاجبني فيه اوي انه عاقل ورزين ومش تافهه زي بقيت الشباب يعني راجل بمعنى الكلمه في كل شئ وغلطتي اني صارحته بمشاعري وقولتله اني بحبه بس غصب عني  وانا عارفه انه مش بيحبني بس هو قال قبل كده اني عجباه

وهو بيقولي انه معجب بيا جدا واني تقريبا الاستايل الي بيحبه في البنات بس مشكلته انه ماسك احساسه من نحيتي ومش عايز يسيب قلبه يحبني علشان ظروفه في الشغل وبيقول انه لما يقولي كلمة بحبك لازم يكون ساعتها قادر يتقدملي 

هو دلوقتي بيقول اننا نفضل صحاب عادي لغاية ماظروف شغله تتحسن ساعتها هيقدر يقرر انه يرتبط بيا 
بس دلوقتي انا مش عارفه اعمل ايه افضل جمبه على اساس اننا صحاب واستناه فعلا ولا ابعد وخصوصا اني مش عارفه اذا كان بيحبني ولا هيحبني ولا لا 
ياريت تقوليلي اعمل ايه واتصرف ازاي معاه

اضغط على شريط الاستماع لمعرفة ردى

Get the Flash Player to see this player.

 

Bookmark and Share