fbpx
مونتيسوري مصر- تقدمها مروة رخا

رد صوتي: انا بحب شخصية بابا ومش بحب شخصية ماما

هاى مروة, أنا بجد بحترم اّرائك جدا وأحب اسمع رأيك فى الموضوع دة.

أنا عندى 22 سنة. كل سنة بتعدى عليا فى بيت أهلى الأنا عيشة فيه بحس انى فهمت الشخصيات العيشة معايا أكتر.

السنة الأخيرة دى حسة انى بجد حفظتهم و ببقى عرفة هيقولوا ايه من قبل ميتكلموا لدرجة انى مبأتش أحب أتكلم مع مامتى و أختى الكبيرة. مامتى أكتشفت أنها مادية أوى و سعات بحس أنها أتجوزت بابيا عشان فلوسه, بتحاسبنى و بتحاسب أى حد بالجنية.

أختى نسخة من مامتى و مادية بردة زيادة عليا أن عصبيتها أكتر. أنا مثل والدى فى حاجات كتير. أعصابى هادية و مش مادية خالص, ساعات حتى بيبقالى فكة فلوس عند ماما و تعد تقولى بعدين لغايت لما بقولها مش مهم بالرغم أن بابا مش حارمها من حاجة بس هى بتحب توفر فى كل حاجة و تجيب حاجات لنفسها و ساعات لينا.

موضوع أنها مادية ده خانقنى لدرجة انى ساعات بشوفها جشعة و لما بسمعها بتتكلم على فلوس مع حد فى البيت بمشى بعيد عشان مسمعش. حاجة تانية ان هى و اختى زنانيين جدا, أى حاجة عايزنها يعودوا يقولوا عليها ميت مرة حتى لو هى حاجة مش مستعجلة لدرجة أنى ابتديت أفقد أعصابى و أزعأ و أشوف فى نفسى شخصية أنا مشفتهاش قبل كدة.

اّخر مرة اتخانقت مع ماما كانت من اسبوع و من ساعتها مبنتكلمش و أختى برده زنت عليا فى حاجة و زعقتلها و من ساعتها مبنتكلمش. قلت لبابا على المضايقنى فى شخصيتهم قاللى ان هم طبعهم كدة وأنى لازم أتأقلم بس أنا مش قادرة. أنا نفسى أخلى جوازى السنة الجية بدل السنة البعد الجية عشان أخلص من التوتر الأنا عيشة فيه دة أبدر.

 

 

 

من هي مروة رخا؟
مروة رخا: موجهة مونتيسوري معتمدة دولياً من الميلاد حتى 12 عام. Marwa Rakha: Internationally certified Montessori educator from birth to 12 years.

بدأت “مروة رخا” رحلتها مع “نهج وفلسفة المونتيسوري” في نهاية عام 2011 بقراءة كتب “د. ماريا مونتيسوري” عن الطفل والبيئة الغنية التي يحتاجها لينمو ويزدهر. تلت القراءة الحرة دراسة متعمقة للفلسفة والمنهج مع مركز أمريكا الشمالية للمونتيسوري

“North American Montessori Center”