هاى يامروة انا بكتبلك وانا فى حاله نفسيه زيرو متضايقة ومخنوقة ومضغوطة وللاسف كل اللى حواليا مش مقدرين ده , انا عصبية ومش بحب حد يستفزنى وانا مش من السهل ان حد يستفزنى ولكن لما تيجى من ناس قريبة ليكى وفى فترة انتى مش عارفه تدوريلهم على اعزار او مبررات بلاقى نفسى بخرج عن شعورى .
ابتدت المشكله انى دلوقتى فى فترة امتحانات وحصل ان انا كنت على علاقة قبل كده بمعنى انى كان ليا تجربة فاشله وماصدقت انساها والتفت لمزاكرتى ودراستى بدل كده كنت قاعده مع اختى وبتكلم وفجأة لقيت واحده معرفهاش وبتزلنى بللى فات لدرجة انى اتنرفزت جدا وانهرت فى العياط وقد ايه هى مفكرانى عايزة انحرف ومش عايزة تسمع كلامى انى فعلا نسيت الموضوع ده والكلام ده كله كان فى وجود صحبتى وبعد ما عيطت جامد وحسيت اد ايه انا ضعيفة ولوحدى وبدل ما الناس دى اقوى بيهم الاقيهم بيقفوا ضدى واتفاجئت مرة تانية لما لقيت صحبتى بتقول ” اخلع انا بقى ” وقالتلى انها مش حتعرف تتكلم معايا وانا بعيط .
انا مشكلتى انى مش قادرة اصدق ان اختى وصديقة عمرى يبقوا كده .
هل انا فعلا غلطت غلطة كبيرة كده مع العلم ان العلاقة دى كانت علاقة عادية جدا بس هى جت عن طريق غلط وهو الانترنت واستمرت لمده شهر واحد وانتهت انا مش عارفة اعمل ايه هل انا استاهل ده ولا ايه ؟
