مروة انا بيعجبني رايك جدا وعلشان كده انا عايزة اخد رايك في المشكله اللي عندي ..
انا مرتبطة بشخص من 5 سنين وبحبه جدا بس المشكله ان انا دايما حاسه ان هو عايز يلغيني
لازم كل حاجة تبقي بأذنه
مش عايزني اخرج من غيره
مش عايزني البس براحتي
انا شايفة ان انا مش بعمل اي حاجة غلط ولبسي مش اوفر
بلبس زي اي بنت عادي
وتقريبا مبئتش بشوف صحابي خالص .
هو مش مقتنع بكده
وكل حاجة لازم استأذنه فيها وانا مش عارفة ابقي كده حاولت اغير حاجات كتير علشان خاطره وفعلا اتغيرت بس كل مرة طلباته بتزيد ورفضه بيزيد لكل حاجة وشايف ان انا مش بحترمه انا بجد مش عارفة انا اللي صح ولا هو .انا اللي المفروض اسمع كلامه زي ما كتير بيقولي ولا هو اللي المفروض يسمع وجهة نظري ويحترمها مبئتش عارفه ارضيه وكل مرة بيتمادي فيها .. انا بجد بحبه والمفروض ان احنا خطوبتنا قريب بس احنا لوقتي بينا مشاكل كتير بسبب الموضوع ده ومش عارفه اعمل معاه ايه؟؟
