ازيك يا مروه
مشكلة النهارده غريبه شويه
اكيد سمعتى الجمله دى مليون مره ….انا طالب فى اخر سنه فى الجامعه واكبر سنه من زمايلى السنه دى شفت بنت لسه فى اول سنه اعجبت بها جدا بالرغم من انى مش عارف عنها اى حاجه لكن شكلها وطريقتها وستايل لبسها وطريقه تعاملها مع اصحابها جذبنىلها …اكتشتفت بعد فتره بسيطه انها من منطقه قريبه من سكنى وركبنامع بعض المواصلات مرتين بالصدفه وبعدها كنت انا باتعمد انى اركب معاها حاولت اعرف عنها اى حاجه بعد جهد جهيد عرفت اسمها وظروف حياتها وان والدها متوفى مش منها طبعا بالصدفه وبعد كده دورت انا عن طريق اصحابى
طبعا هى بدأت تلاحظ انى باظهر فى الاماكن اللى بتروحها وصدف المواصلات تكررت كثيرا لحد مافى يوم كان فيه حفله وبعدها روحنا فى نفس المواصله كل اللى فى العربيه روحوا وفضلنا احنا الاتنين حاولت ابدا كلام لقيتها اتحرجت وقعدت تقول تؤ تؤ ومردتش
قلت ده دلع او احراج وبعدين ممكن المكان مش مناسب
بعدها لقيتها بتقابلنى مره تضحك ومرات كتير تمشى لوحدها بعيد عن صاحباتها قلت دى فرصه مناسبه اكلمها وحاولت انى اكلمها لوحدها وكان فعلا الموضوع بقى جدى بالنسبه لى وعرفت هلى انى معجب ببنت وعاوز اخطبها لو لقيت فيه موافقه خليتها ماشيه لوحدها فى الكليه ووقفتها قلت لها لو ممكن اتكلم معاك فوقفت لسه هابدا كلام لقيتها بتقولى لو سمحت وعاوزه تمشى قلت لها ثوانى بس قالت لى لو سمحت لا ومشيت
بصراحه بدأت اشك انها رافضه وارجع واقول لا دلع وقررت انى اخد اخر مبادره رحت لها وقلت لها انا عاوز اتكلم معاك قالت لى مش انا قلت لك لا ..انا بصراحه صعقت قلت لها هو انت سمعتينى اساسا …ٌقالت لى قول ..قلت انا معجب بك وعاوز اخطبك ردت باسلوب غريب …للاسف انا مخطوبه ..قلت لها انا اسف جدا واسف لو كنت ضايقتك
انا بس عاوز اعرف هل انا اتصرفت غلط وهل انا اتسرعت ..مش فكره زعل على ضياعها بس انا عاوز اقيم تصرفى …ِشكرا
