رد صوتى: هو بخيل؟

Date posted: April 24, 2009


 

انا بقي علي طول خايفة يا مروة,بخاف اتصرف بطبيعتي اتفهم غلط,بخاف اقوله كل اللي انا حاسة بيه,و بخاف مقولوش يفكر اني مش حاسة بيه,بخاف يطلع هو مش كويس,بخاف يطلع بخيل,مامتى بتخوفني من كل حاجة في الارتباط و الجواز,دايما تقولي اوعي تقولي كذا لا يفكر كذا,لازم تفهميه ان مستولكي كذا,

بصي هو الموضوع مليان حجات كتيرة انا مش هعرف احكيها كلها,انا مش عارفة هو انا اعرف اذا كان مثلا هو كريم ولا بخيل منين,مع العلم انه متخرج بس لسة بيعمل دراسات ولسة مشتغلش,يعني مش معاه فلوس بتاعته هو,فا ديما بنقول مش ينفع نحكم دلوقتى لما يشتغل هنعرف

,كمان احنا مش بنخرج لوحدنا خالص فمش هقدر احكم عليه من الخروجة,هو اهله كويسين اوي ماديا بس حريصيا علي فلوسهم اوي,دايما ماما تقولي لما يشتغل هايبان هو زي اهله ولا لا,ساعات بتطمنى وساعات بتقلقنى,انا مش عارفة انا خايفة اوى

,المشكلة انى بحبه,فا انا خايفة لانه لو في حاجة ظهرت منه خصوصا موضوع البخل ده انا مش هينفع اكمل معاه,بس انا نفسي اوي اطمن واعرف انه مش بخيل,مش عارفة المشكلة دى فى شخصيتى اصلا ولا علشان انا مخطوبة صغيرة كدة فلسة مش عندي خبرة ومش فاهمة كويس ولا ايه,انا عايزاكى تقوليلي ايه اللي ينفع اقوله و ايه لا,ينفع اتكلم معاه في موضوع الكرم و البخل ده ولا لا,وينفع اقوله كل اللى جوايا,يعني لما احس انى بحبه او انه واحشني,فيها حاجة لو قلتله كدة؟و ازاي اكمل و انا مطمنة,دحنا لسة مشورنا طويل,لسة كمان سنتين خطوبة لما اكون انا اتخرجت,هفضل عايشة في القلق ده كتير كده,طلب اخير,لو ينفع تردي عليا من غير ما تنشري المشكلة علي الموقع فا ياريت تعملي كدة,شكرا اوي…..

اضغط على شريط الاستماع لمعرفة ردى

 
 

Get the Flash Player to see this player.

 

Bookmark and Share