fbpx
مونتيسوري مصر- تقدمها مروة رخا

رد صوتي: حبيبي عنده لا مبالاه

السلام عليكم يامروه

إزيك يامروه فرحانه أوى إنى عرفت أوصلك أنا متابعاكى من زمان بس ماكنتش اعرف إن لكى جروب على الفيسبوك

هدخل فى الموضوع علطول أنا عندى 23 سنه ونص ومخطوبه خطيبى أكبر منى بشهرين ونص بس
كنا زمايل فى جروب تطوعى من أيام الجامعه حبنى جدا وأنا كمان كنت مشدوداله مع الوقت حبيته وأتقدملى وأهلى فى الأول عارضوا لأسباب كلها مش منطقيه إنه من سنى إنه مش من نفس بلدى وأهلوا كمان وافقوا بالعافيه لأنه صغير ولسه ماكونش نفسه وهما اللى هيبقى عليهم أغلب المصاريف طبعا وسيبنا بعض مده وكنا أحنا الإتنين تعبانين جدا وهو كان بيحاول يظهر عكس كده عشان يكرهنى فيه المهم أنا ماقدرتش وسألت عليه زميله الأنتيم وعرفت إنه تعبان جدا وزميله هو اللى حرك الموضوع ولاقيته متصل بيا ورجعنا لبعض وإتقدملى واهلنا وافقوا الحمد لله

هو حد طيب وبيحبنى جدا ومجتهد بيشتغل وبياخد كورسات ودراسه إضافيه إحنا الإتنين طموحيين وأحلامنا متشابهه
بقالنا شهر ونص مخطوبين ساعات بيجيلنا حالات ملل مش لاقيين كلام يتقال غير إنه بقى بيفرح بإهتمامى بيه وخد عليه وإهتمامه بيا مش زى ماكنت متوقعه بلاقى عنده لامبالاه ساعات بحس بخوف بس كل فين وفين وكمان مش بيغير عليا عايزه أحس إنه بيغير شويه عشان أحس بحبه ومش عايزه أطلب منه الحاجات دى عشان مايبقاش متصنع معايا عايزاه على طبيعته

مخنوقه يامروه من ده كله عايزه أكون الحد اللى بيحلم بيه واللى مايستغناش عنه أعمل إيه؟؟

 

 

 

من هي مروة رخا؟
مروة رخا: موجهة مونتيسوري معتمدة دولياً من الميلاد حتى 12 عام. Marwa Rakha: Internationally certified Montessori educator from birth to 12 years.

بدأت “مروة رخا” رحلتها مع “نهج وفلسفة المونتيسوري” في نهاية عام 2011 بقراءة كتب “د. ماريا مونتيسوري” عن الطفل والبيئة الغنية التي يحتاجها لينمو ويزدهر. تلت القراءة الحرة دراسة متعمقة للفلسفة والمنهج مع مركز أمريكا الشمالية للمونتيسوري

“North American Montessori Center”