fbpx
مونتيسوري مصر- تقدمها مروة رخا

رد صوتي: بتدور على الحب في اماكن غلط

انا مشكلتي اني كنت بدور على الحب في اماكن غلط ومع ناس غلط وكان عندي امل اني ارتاح والاقي انسان يستاهل اني احبه واديله كل الي جوايا وفي يوم كنت على النت بالصدفه اتعرفت على واحد منغير مايقولي نتعرف والكلام بتاع الشباب الي بيلعبو دول بس كان الموضوع جه فعلا صدفه المهم ارتحتله جدا جدا وهو كمان وفعلا اتكلمنا فتره شهر تقريبا كنت حاسه اني طايره وانا معاه

المهم اتقابلنا وفعلا لقيته هو الانسان الي نفسي اكمل معاه حياتي وهو كمان وفعلا قررنا اننا نرتطبت رسمي وفعلا قولت لاهلي واتفقو على ميعاد يجي يقابلهم وفعلا جه وبابا قابله كويس جدا وك حاجه وطلب منه يجيب شقه تمليك او ايجار قديم علشان يبقى متطمن عليا معاه خصوصا انه لسه في بداية حياته ومش بيشتغل شغل ثابت وكمان اهله مش يقدرو يساعدوه علشان يقدر يجيب الحجات الي اي اهل بيطلبوها وكان شرط بابا ان الشقه تبقى اقل حاجه 20 سنه ايجار قديم وفعلا اخد فتره يدور على شقق وفعلا لقى بس مش معاه يدفع الا لشقه 5 سنين 

كل ده طبيعي بس الي مش طبيعي انه من اول لما عرفته فهمني انه يقدر يجيب حجات كتير وانه معندوش اي مشكه انه يتجوزني حتى لو بعد شهر يعني كدب عليا او ممكن كان فاكر ان الموضوع سهل 

انا دلوقتي مش عارفه اعمل ايه حبيته جدا ومش هقدر استغنى عنه وهو كمان بس دلوقتي هو عايز يبعد علشان حاسس انه مش هيقدر يجيب طلب ابويا في الشقه وقالي لو لينا نصيب هنبقى لعض
بس انا مش عارفه اعمل ايه في حياتي منغيره ولا قادره اوافق على حد غيره

على فكره انا عندي 24 وهو 28 وانا من محافظه وهو من القاهره

وبقاله اكتر من تلات شهور مفكرش يجي يشوفني وبيقول انه مشغول ومش بياخد اجازه من شغله هل هو كده مش بيحبني ولا ممكن فعلا عنده ظروف انا حاسه اني تايهه بجد

ياريت تقوليلي اعمل ايه ابعد فعلا عنه ولا استناه مع العلم اني اهلي مش موافقين عليه دلوقتي علشان فرق المستوى الاجتماعي والمادي

 

 

 

من هي مروة رخا؟
مروة رخا: موجهة مونتيسوري معتمدة دولياً من الميلاد حتى 12 عام. Marwa Rakha: Internationally certified Montessori educator from birth to 12 years.

بدأت “مروة رخا” رحلتها مع “نهج وفلسفة المونتيسوري” في نهاية عام 2011 بقراءة كتب “د. ماريا مونتيسوري” عن الطفل والبيئة الغنية التي يحتاجها لينمو ويزدهر. تلت القراءة الحرة دراسة متعمقة للفلسفة والمنهج مع مركز أمريكا الشمالية للمونتيسوري

“North American Montessori Center”