fbpx
مونتيسوري مصر- تقدمها مروة رخا

 

هاى يامروة قبل اى حاجة ازيك ويارب تكونى بخير …..

مش حطول عليكى انا عندى حاجة غريبة جدا وهى انى فى اى حته بروحها بيحصل مشاكل دايما كده من وانا فى ثانوى مع اصحابى وقلت دى فترة مراهقة وبعدين الكلية ومش بس بقى اصحابى لا والدكاترة كمان ,انا حاسة من زمان ان اهتمامتى غير اهتمامتهم( اصحابى &واهلى) .

وعلى فكرة انا مش انطوائية بالعكس انا اجتماعية جداا وبحب الناس بس المشكله انهم بيقولوا انى معوجة او مغرورة مع انى غير كده خالص ومش بحس انى حلوة خالص وبعدين ناس قبل ماتعرفنى تاخد انطباع بايخ وناس تانية لما تيجى تكلمنى مش عيزانى غير ليها وبس (انتيم)ومش عيزانى اتكلم مع حد تانى وحتى الدكاترة يضايق لما اروح اعمل ابحاث مع دكتور تانى( عمل اضافى) علما بانى فى مرحله الماجستير .

ده بقى بالنسبه حياتى الاجتماعية اما العاطفية فانا مليش غير تجربة واحدة وكان جارنا فى بيتنا القديم وقتها كان عندى 19سنه وحاولت بقى انى اعمل جريئة ورحت انا ابتديت بالكلام نتيجة انى حسيت انه معجب بيا جداا لانه اصلا هو اللى لفت نظرى ليه . ابتديت الكلام بطريقه غير مباشرة باستعانه بواحده صحبتى وقالت (فلانه معجبة بيك ) سيبك بقى من الطريقة فاللى حصل حصل .

المهم رد فعله كان كويس جدا وده اللى خلانى اتغاضى عن الطريقة اللى ابتدا بيه تعارفنا المهم انه كان مسافر ومكنش فيه وقت اننا نتعرف ولانه كان عايز يتعرف عليا اكتر لجئنا للنت …….الموضوع او المشكله اللى عندى بتبدأ من هنا 

تفاصيل كتيييير اوى ع النت حصلت وانتهى الموضوع اننا مش بنتكلم نتيجة ان طريقته بقت بايخة وده طبعا نتيجة انى انا اللى ابتديت الكلام . انتهى الموضوع بالنسبة لى واشتغلت فى حياتى وكملت ونجحت ابتدى يعرف من صحابى انى بقيت كده فيرجع يتكلم تانى وانا ارجع احن ومش ببقى عايزة اى عتاب فى حاجة فاتت بس عايزة الموضوع يكمل بس هو مش عايز يدينى فرصة ويبتدى يعاملنى تانى انى مغرورة وبطريقة بايخة !

تلخيصا لكل اللى حصل انى مشاكلى مش معايا دى مع الناس فانا عايزة اعرف المشكله فيا ولا فى الناس ؟ انا دلوقتى عندى 24 سنه علاقاتى بالناس محدوده جدااا وطبعا علاقاتى العاطفية رايحة فى داهية انا مش عايزة احس تانى بلاحساس اللى فات

 

 

 

من هي مروة رخا؟
مروة رخا: موجهة مونتيسوري معتمدة دولياً من الميلاد حتى 12 عام. Marwa Rakha: Internationally certified Montessori educator from birth to 12 years.

بدأت “مروة رخا” رحلتها مع “نهج وفلسفة المونتيسوري” في نهاية عام 2011 بقراءة كتب “د. ماريا مونتيسوري” عن الطفل والبيئة الغنية التي يحتاجها لينمو ويزدهر. تلت القراءة الحرة دراسة متعمقة للفلسفة والمنهج مع مركز أمريكا الشمالية للمونتيسوري

“North American Montessori Center”