رد صوتى: هى 17 سنة و هو 27 سنة و عرفته من على النت

Date posted: April 21, 2009


 

هاى 

انا بكتبلك النهارده بعد ما الدنيا انسدت فى وشى انا مشكلتى انى عرفة انى غلطانه 

بدايه انا عندى 17سنه ولسة فى ثانوية عامة وشاطرة والحمدلله لكن اتعرضت لمشكله كبيرة وهى انى عندى "فراغ عاطفى " زى ما بيقولوا اتعرفت على واحد من على الفيس بوك هو عنده 27 سنه واعجبت بيه جدا من غير ما اشوفه اتكلمنا لمده حوالى اسبوع وصمم انه يشوفنى وانا رحبت جداا

ووافقت من غير ما افكر بس قبل مانتقابل بيوم اتصل بيا وقالى انتى مش قلقانه يعنى انا حاسس انك بتعملى كده على طول . ابتديت اراجع نفسى وقلقت منه بس هو صمم انه يشوفنى وقالى انه اسف على كلامه وفعلا خرجنا واول ماشافنى كان حيطير من الفرحة وقعد يقول كلام كتير "انتى فتاه احلامى انا نفسى تبقى فى حياتى على طول انا عايز اشوفك كل يوم " واتفقنا اننا نخرج بعديها بيومين عشان ظروف دروسى

وفعلا روحنا مكان وبعدين لاقيته بيقوى ان اصحابه بيقولوا انه حرام عليك دى صغيرة اوى . انا سكتت ولاقيته بيقولى انه كان معجب بواحده زميلته وهى "محترمة" زى ماقال وقلتله طيب ليه مقلتش من الاول قالى اصل انا كنتش عارف اقول ايه ده موضوع لسة معرفش نهايته انا سكتت ومردتش وعشان انا مكنتش عايزة الموضوع ينتهى تجاهلت كل اللى قاله.

الخروجة التالته دى كانت اخر حاجة وقعدت انا اللى اتصل بيه والمهم فى يوم قالى تعالى نخرج فوفقت كلعاده وفجئت انه بيحجز سينما وقالى نغير جو فقبل ماندخل السينما قعد يقول كلام غريب وانا كنت بكتب مسدج لصحبتى فبيقول"انا كده عايز منك 30جنيه " ارجوك متنسيش عشان دى فلوس ناس ولقيته بيهزر وبيضحك . فانا مكنش معايا فلوس فبعد ماخرجنا عرفت انه عنده كورس فى مكان انا عارفاه فرحتله بالفلوس وسيبتها بره بعد ما حسيت انه بيحسسنى انى بستغله فلقيته بيتصل ومتضايق جدا جدا وبيزعق فى التليفون "انتى عيله " وقالى انه عايز يكلمنى على النت وفعلا اتكلمنا وقالى انه مش مرتاح وانه مش عايز نتكلم تانى 

انا كل مشكلتى دلوقتى فى حاجة انا مش قادرة اكمل حياتى الطبيعية ولا عارفه اذاكر وامتحناتى قربت ولسة بعرف اخباره وكل حاجة عنه انا فعلا مش عارفة انساه وابتديت فى مرحله اكتئاب وعشان اهرب من حبى ليه بقيت بأكل كتير جدا وتخنت ومبقتش بهتم بنفسى ومش عارفه اعمل ايه ؟؟؟؟؟؟؟؟؟؟ارجوكى ساعيدنى بجد انا حاسة ان حياتى وقفت وانى مش حقدر اكمل وحتى مبقتش بستمتع باى حاجة لا خروجات ولا فسح مع اصحابى

اضغط على شريط الاستماع لمعرفة ردى

Get the Flash Player to see this player.

 

Bookmark and Share