رد صوتى: بيحبنى .. مش بيحبنى .. بحبه و لا اسيبه

Date posted: April 21, 2009


 

ازيك يا مروه يا عسل ..حاختصر اعجابي بشخصك بانى اقول عمرى ما حسيت بجدوى النصائح بتاعه الاخصائين الاجتماعين وكدا ..واني حاكتب لك قصتى كامله الدسم بكل العبط الي فيها عشان انا متأكده انو مخك كبير و بتستوعبي ازاي ممكن بنت متنناقضه و بتشوف مشاكل صحباتها وتنصحهم ولما تجي عندها تتطلع الاخيب بين كل المشامش علي سطح البسيطه ..
مواصفات مشمش -هو ابن عمتى ..وسيم جدا انيق لحد متوسط ممكن يكون احسن -محبوب الجماهير حنون و بحب اختو وامو لاقصى الحدود خدوم جدا لاحبائه غامض الجمله الاكثر ترددا عنه يا بخت الي حتتجوزوا …انا بالنسبه لى مش فارس احلامي ابدا لانو مش طموح كفايه و متردد و ما عندوش نكهه خاصه -دى مش عارفه اوصفها

مواصفاتى انا -بقولوا حلوه-اكتر من مليون مره سمعت انى بشبه مغنيه قمر بدون اسماء – انا مش شايفه كدا على اي حال طموحه جدا جدا ..مجنونه بس بهدوء من بعيد شكلى مغروره محبوبه في نطاق الجامعه والشغل الحمد لله عندى اصدقاء مقربين من الجنسين بحب اطور نفسي روحيا جسديا وبكل شكل بحب العالم كلوا بكل اختلافاتو عندى رغبه اطلع والف وبكتب قصص قصيره

سنه اولى- نزلت الجامعه في بلدى وكانت كليه مشمش في نفس الجامعه باقي له سنتين ويتخرج اهتم بيا ساعدنى في اجراءات التسجيل و عرفنى بصاحبوا في كليتى ووصاه بيا و عرفنى على اصحابو في كليته ..وعمرو ما سأل عن بنت عمنا الى معايا في نفس السنه

ملامح العبط:في يوم من الايام شفتو و حسيت بطعنه في قلبي بدون مقدمات فجأه الهبل اشتغل في مخي وكل الكيميا ..بعدها طبعا بقيت بشوف خيالوا في كل مكان بتذكر كلامو زى كانو اغنيه مزعجه ملزقه في راسي و هلم جرا 

مشمش عمرو ما كان واضح لا هو صاحبى و هو غريب ..هو الوحيد في ولاد عيله بابا الي بزور متأخر لحد ما امو قالت له مايصحش ..الوحيد الي بجي يفطر في رمضان بدون عزومه عشان البيت بيتو 
بعد تخرجه من الجامعه انحصر حديثا في صالون البيت لانو ما بجي الجامعه و ما عندو موبايلي ..
قبل حفل تخرجو بيوم اتصل باختى وقال عايز يدينا تذاكر -اتفق معاها انو يقابلني في الكليه وفعلا جاء وقال مش لاقي تذاكر حيدور ويكلمنى -اتصل بعد ما رجعت البيت و قال لي التذاكر في بيت عمى الثالث بعد خطوات مننا اعتذرت منو على اساس تعبانه – طبعا كذابه 
رجع الجامعه يحضر ماجستير في كليتى وطبعا بقيت بشوفو كتير كنت في اخر سنه ومش ناقصه كليتنا صعبه جدا ..كل ما بشوفوا بختصروا .. حاولت مره واحده اسأله محتاج مساعده لانو في مواد كان هو بياخدها لاول مره وانا عارفها بس كانت عزومه اي كلام وشكلوا حس فضحك وقالي ماشي ..ساعات مشمش يعمل فيها بعرف عنى كل حاجه ويقولى البنات المعاكى دى في المشروع كذا وكذا ..ازاي عرف انى شغاله مع دول بالذات انا بكون بذاكر مع جروب تاني ؟؟؟ وساعات بعاملنى كانو بيكرهني ؟؟؟ 
قبل حفل تخرجي انا قابلتو صدفه مع اخوه- اخوه دا صحبى كان ييننا شغل وعسل خالص لما سافرت ماما تعمل عمليه كان بتصل دايما يسأل عني و بحس انو اخويا -المهم قالوا لي تخريجك بكره صح ؟؟؟عرفوا ازاى احتمال من بنت عمي الي معايا في الكليه طيب هيا اصلا مش مشاركه في الحفل ما علينا -قلت لهم معليش مش عارفه حلاقي تذاكر ولا لا – مشمش ابتسم وقالي : حنتصرف ونجيي ..فاكره انا عملت ايه في تخريجو ! يوم التخريج كلمت بنت عمي تتولى توزيع تذاكرعليهم وما كلفتش نفسي حتى اكلمهم بالتلفون 
في الحفل كنت متألقه كما يقال اول ما شفتو حسيت انو عجبتو المهم شاورت لهم على مكان اهلي و رحت مع اصاحبي لحد اخر الحفل مع انو كان بامكاني اخدهم بنفسي او حتى اتكلم معاهم شويه الاول 
مشهد تاني يوم زارانا مشمش في ساعه متأخره وشكلوا فظيع لابس هدوم الشغل لحد الساعه دى و عيونو تعبانه اترمي على الكنبه وفضل ساكت يا دوب شرب عصير و راح – ما سألتوش مالك مع انو صعب عليا ؟؟عرفت بعدها انو اليوم دا اتوفي صاحبو الي كان عرفني بيه في الكليه الله يرحمو طيب لزومها ايه الزياره !!!مش فاهمه عايزنى اواسيه طيب انا لسه ما اعرفش واحنا اصلا مش صحاب عشان اواسيه

ملاحظه انا زي ما قلت مشمش مش رجل احلامي عشان انا عايزه رجل فيه بوادر عظمه واكون معاه و مشمش تائه بدأ ماستر كمبيوتر سابها وراح يعمل ماستر في البزنس و لسه بشتغل بفلوس اشبه بالعدم ..قله حظ امكن لكن انا بشوفها خيبه ..دا غير اني بكره زواج الاقارب ومبسوطه ان اخويا اتجوز من بلد تانيه ..
حاجه اخيره ..اخوه الكبير اتجوز بت عمي الي معايا في الكليه كلمها في الحلقه الاخيره عمرو ما لمح ..دا بخلينى افتكر انو زي اخوه ..مع العلم اني مش عايزاه ..حاولت احب واحد بحبنى من 3 سنين وفشلت ..حاولت امنع نفسي من التفكير فيه بقيت بحلم بيه ؟؟ للمزيد من الشربكه ابن عمي الساكن معاه كان بحاول يرسل لي مسجات حب وخربيط حسمتو ..وحاليا واحد تانى ساكن معاه بيبدى اهتمام لكن مطنشاه ودول واضحين مش زيو اصلا هو شكلوا عادى وانا الي بيتهئ لي ..ممكن تجي تقتلينى عشان انا خايفه ابقي زي مشمش بتاع الحب في زمن الكوليرا ولا مشمشه الي في ذهب مع الريح ..انا طولت عليك بس دى 7 سنين اعذرينى ..ربنا يحفظك و يبعت لك مشمش جامد زيك لو لسه ما جاش

اضغط على شريط الاستماع لمعرفة ردى

Get the Flash Player to see this player.

 

Bookmark and Share