رد صوتى: مش لاقى بنت الحلال

Date posted: April 17, 2009


 

انا باعانى من مشكله اكيد فيه ناس كتير بتمر بها لكن هى بالنسبه لى متعبه ومنهكه جدا

اولا انا من ارياف محافظه غير القاهره وحبيت اقول المعلومه دى لان نمط البنات او الجنس الاخر اللى باحتك به مختلف خالص عن المرسوم فى خيالى او اللى باتعامل معاه من خلال متابعه النشاطات الادبيه والسياسيه وغيرها على الفايس بوك والمدونات وغيرها
 
طول الوقت فيه نموذج للبنت اللى فعلا اقدر احلم معاه اشركها فى كل تفاصيلى ونشترك فى كل تفاصيلنا مع بعض
 
اتعرفت على بنات كتير لكن للاسف يا مروه مفيش دماغ خالص حتى مش حد ادنى ..انا مش مغرور والله ولا مفكر انى عبقرى ولا عاوز واحده عالمه ذريه بس مش هاستحمل ان كل كلامنا يكون بالشكل ده عن خطوبه مش عارف مين وفستان ايه ممكن استحمل ده كجزء من مناقشه انما لو بقى ده محور الكلام انا ممكن اتشل
 
كمان التمثيل والادعاء منتشر قوى بصراحه لدرجه تغيظ رسم صوره رقيقه والحقيقه غير كده
مريت بتجربة حب وللاسف اكتشفت فيها كل العيوب دى بعد فتره ومفكرتش انهى العلاقه الا مع فرص كتير ليا ولها لكن للاسف انتهينا
انا عاوز ايه؟؟
انا متلهف للحب جدا .. وفى نفس الوقت قلقان من الجاى ..عارف ان ده ممكن يكون غلط
بس مش عارف
 
 

اضغط على شريط الاستماع لمعرفة ردى

Get the Flash Player to see this player.

 

Bookmark and Share