مش عايز أظلمك معايا – جملة مالهاش معنى

Date posted: July 31, 2010


هاي مروة انا بحب رأيك اوووووووي بجد و نفسي اكلمك من زمان بس مش عارفة

 

انا كنت اعرف واحد و حبته اوووووي و هو كمان بس احنا مكملناش لان احنا لسة في جامعة و انا وهو عندنا 19 سنة غير ان احنا سكنين بعيد عن بعض

اعدنا مع بعض حوالي سنتين بس حصلت مشاكل كتيييييييييير و دلوقتي انا سبته عشان اتخنقت و هو علي طول خايف من الظروف و المستقبل و الكلام دة بس هو مجبهاش بالمعني دة

الاول عملني بأسلوب مش كويس فأنا الي فهمت و قولت خلاص انا مش عايزة و كرامتي بردو وكدة

وهو دلوقتي عايز يتعامل معايا عادي يسأل عليا كدة بس انا مش راضية خاااااالص و حاسة اني اتقفلت من نحيته جاااااااامد عشان الموضوع انتهي بطريقة مش كويسة خااالص

فهو بيكلم بنت خالتي و حكلها الي حصل وقالها انه بيحبني و هيظلمني معاه و ادامه كتيييير انا الي مضيقني كان يتكلم معايا انا كدةة مش يلف في الكلام بس انا دلوقتي مضايقة و مش عايزة ارد عليه خااااااالص وفي نفس الوقت بحاول انسي بس خايفة من الي جاااي و مش عايزة اعتبه خالص ولا اتكلم معاه هو حاول بس انا رافضة اوووي بليز ردي عليا يا مروة 
 

—————————————-

بصى يا حبيبتى
 
اولا هو بأى حق بيقرر لوحده و بالنيابة عنك ان الموضوع لازم يخلص و على الاساس دا قرر انه يعاملك وحش لحد ما تطفشى؟
 
ثانيا لما هو بيحبك أوى كدة اخد خطوات إيه غير اليأس و الاستسلام و الهروب عشان تقربوا من بعض .. اشتغل مثلا فى الصيف؟ أخد دورات تأهله لشغل جامد بعد التخرج؟ عمل أى حاجة؟
 
هو انهزامى زى كتير من الشباب
 
اما بقى موضوع انكم تكملوا مع بعض و الكلام دا
 
بصراحة أنا لا أنصح بيه
 
لأن هو او غيره هيتغيروا بعض التخرج و الشغل
و انتى هتتغيرى لما تشوفى ناس تانية اكبر و من خلفيات مختلفة
 
الدنيا قدامك واسعة و طويلة و كبيرة و اختياراتك مالهاش حدود
 
اعتبريها قصة و خلصت
Bookmark and Share