بحلم براجل غير جوزى

Date posted: July 31, 2010


انا سيدة متزوجة فوق الاربعين من عمري وعندي ثلاث اولاد مشكلتى تتلخص في انني اعيش حلم يقظة غريب ان زوجي سوف يتوفى وسأعيش حياتي واستمتع بها مع انسان اخر احبة ويعوضنى عن حياتى مع زوجي السابق

ومنذ عدة شهور تراكمت المشاكل فى عملي وبيني وبين زوجى فذهبت لمعالج نفسي والحمد لله تحسنت حياتى مع زوجى وعملى ايضا ومن حولى وتعاملاتى اصبحت كلها افضل وبدأت اشعر بالحياة واعيشهاواتغير للافضل  بدأت اشعر بالنجاح والثقة بالنفس

المشكلة انى احببت المعالج او الطبيب النفسي
واصبح هو كل حلمي في الحياة ان اراه واحدثة واعيش معة لاادرى كيف لكن هذا هو حلمى المسيطر على الان

انا لا اراة ولا احدثة ولااعلم عنة شئ لكن احلم ان شئ ما سيجمعنى بة في المستقبل واكمل معة حياتي

سؤالى هل انا احبة فعلا ؟ ام هل انا مريضة نفسيا واحتاج لعلاج نفسي اخر؟هل اراسلة واحاول التواصل معة ام ابتعد عنة واحاول نسيانة معاني حاولت ولم استطيع ولم اشعر للحياة بمعنى في محاولتى نسيانة
 ارجوك انا اثق بك وبأرئك وتفكيرك
————————————

 

يا حبيبتى انتى من كتر ما انتى قرفانة من جوزك لو اى حد عطف عليكى و اهتم بيكى شوية هتحبيه
 
و دى اسهل طريقة انك تتجرحى بيها
 
ممكن حد يرفضك بطريقة جارحة و مهينة
و ممكن حد يستغلك و يرميكى بعد كدة
و ممكن حد يعشمك
و حد يبتزك
 
خلاصة الكلام
 
نيل المطالب مش بالتمنى و أحلام اليقظة و تمنى الموت لزوجك
 
واقعك مش هيتغير الا اذا انتى غيرتيه
 
غيرتيه بالطلاق
غيرتيه بالتفاوض
غيرتيه بانك تلاقى بديل للرجالة اصلا – فى ستات بتحط همها فى الولاد و خلاص
 
المهم انك لازم تغير واقعك دا 
Bookmark and Share