fbpx
مونتيسوري مصر- تقدمها مروة رخا

كان نفسى يكون أطول من كدة

 

ازيك يا مروه انتى انسانه جميله اوى
بصى يا مروه انا رايحه سنه رابعه هندسه وكنت حطه شروط لشريك حياتى انه يبقى مهندس ذيى ومؤدب ذى واطول منى بعشره سم على الاقل وابقا مستريحاله ومتفرقشى معايا الفلوس لانى محدده انى هشتغل بعد لما اخلص واكفى احتياجاتى ومستعده استناه
 المهم كل اللى كان بيتقدم كان بيقع منه حاجه من الشروط
 وانا مش كنت برضى
هوه فيه ناس كتير معايا فى الكليه معجبين بيا وفيهم المواصفات بس مش مستعدين انهم يتقدموا مش عاوزين يربطوا نفسهم
 
بس فيه واحد معجب بييا بقاله سنتين وبيعمل حاجات كتير اوى علشان يتقربلى وبيبقا عاوز  يكلمنى انا شيفاه كويس وشكله عاوز الموضوع جد وده كويس بس هوه اقصر منى بشويه صغيرين بس  انا كنت عاوزاه اطول منى
هوه ده شرط تافه ولا ايه رايك؟
انا مش بصاحب حد وانا كنت ماجله الموضوع لغايه اخر سنه ودايما مش بيجى حد فيه كل الشروط مع انها مش كتير ؟استنا يمكن اقابل حد كده ولا ادى لزميله فرصه اننا نتعرف ولو كويس ارضى بيه وخلاص علشان الشروط ده كلها شكلها مستحيله
———————————-
 
أهلا يا حبيبتى
 
طبعا انتى من حقك تختارى اللى يعجبك و اللى على مزاجك لكن انا عايزة اقول لك حاجة
 
الطول و القصر مش بالسنتيميترات
 
بصى
 
انا كنت زيك كدة
 
لكن اكتشفت ان الراجل ممكن يكون طويل و فرع لكن يفضل يتصرف تصرفات غبية لحد ما يقصر و يصغر فى نظرى
 
و ممكن يكون قصير لكن تصرفاته بتكبره فى نظرى كل يوم اكتر من الاول
 
الاولانى بيتبص له بقرف من فوق لتحت
 
التانى بيتبص له باحترام و تقدير و تطلع
 
لو الولد فعلا كويس و محترم بكرة هيكبر فى نظرك و الكام سنتيمتر دول مش هيفرقوا
 

من هي مروة رخا؟
مروة رخا: موجهة مونتيسوري معتمدة دولياً من الميلاد حتى 12 عام. Marwa Rakha: Internationally certified Montessori educator from birth to 12 years.

بدأت “مروة رخا” رحلتها مع “نهج وفلسفة المونتيسوري” في نهاية عام 2011 بقراءة كتب “د. ماريا مونتيسوري” عن الطفل والبيئة الغنية التي يحتاجها لينمو ويزدهر. تلت القراءة الحرة دراسة متعمقة للفلسفة والمنهج مع مركز أمريكا الشمالية للمونتيسوري

“North American Montessori Center”