استغماية

Date posted: August 29, 2010


 

 

 

 

 

 

 

 

بالعب استغماية مع نفسى

هستخبى منى جوايا و ادور عليا برايا

و هسيبك تدور

 

بالعب استغماية مع نفسى

فى اوضة فاضية مافيهاش مكان يخبينى

و برده مش هتلاقينى

 

بالعب استغماية و عينايا مغمضة

خايفة افَتح الاقينى

و مش عايزاك تلاقينى

 

بالعب استغماية جوة مخى

استخبت انثاى من ذكرى

سابتنى مع نفسى و لنفسى

 

خبتنى جوة حضنى 

خبتنى وسط افكارى و كلماتى 

خبتنى ورا سور عالى من قناعاتى و مبادئى

حلفت ماحدش هيلاقينى

 

"خلاويص؟"

"لسة"

 

انا جريت منك و منهم و استخبيت جوايا

جاتكم القرف فيكم و فى اللى عايز يلعب معاكم

Bookmark and Share